Sopranoja Lorika Ismajli do të performojë në Gala mbrëmjen e Juan Diego Florez

14 Qershor, 2018 - 4:00 pm

Sopranoja kosovare, Lorika Ismajli, e cila jeton në Vjenë prej disa vitesh, do të interpretojë në koncertin e Juan Diego Florez “Il viaggio a Reims” në Sallën e Artë të Wiener Musikverein, të shtunën, më 16 qershor, shkruan KultPlus.

Solistja Lorika Ismajli do të interpretojë një nga rolet solo në këtë ngjarje të jashtëzakonshme, të cilën Juan Diego Florez po e mban me pjesëmarrës të zgjedhur me kujdes çdo vit për të mbështetur fondacionin e tij në Peru.

Në koncert do të jenë 15 solistë të rinj të cilët do të shoqërohen nga Filharmonia Gioachino e cila do të dirigjohet nga Christopher Franklin.

Prodhimi i këtij viti, “Il viaggio a Reims”, nuk është performuar në Vjenë që prej më shumë se 30 vitesh dhe do të transmetohet drejtpërdrejt në televizionin Austriak, si dhe në platformën digjitale për muzikë klasike www.myfidelio.at./ KultPlus.com

Të ngjajshme