займ на карту онлайн потребительский кредит

Xhemajl Berisha përkujtohet nesër në Prizren

5 Prill, 2019 - 2:30 pm


Për nder të 30 vjetorit jubilar të rënies në altarin e lirisë, të Dëshmorit të Kombit,  profesorit Xhemajl Berisha nesër organizohet akademi përkujtimore në Shtëpinë e Kulturës “Xhemajl Berisha” në Prizren, shkruan KultPlus.

Kjo akademi përkujtimore organizohet nën patronatin e Ministrit të  Kulturës, Rinisë dhe Sportit. Në këtë akademi do të marrin pjesë ministri i Kulturës, Kujtim Gashi dhe Presidenti i Republikës së Kosovës i cili në këtë akademi do ta dekorojë Xhemail Berishën  me titullin “Hero i Kosovës”.

Xhemajl Berisha kishte lindur në fshatin Smallushë, komuna e Lipjanit. Që nga vitit 1967, ai jetonte dhe vepron në Gjilan. Për herë të parë është paraqitur si këngëtar kur ishte në klasën e dytë të arsimit fillor. Këtë rrugë të artit muzikor e adhuroi që nga mosha e re.

Si këngëtar, Xhemajl Berisha, u ka ndihmuar shumë ansambleve kulturor-artistike. Ai ka qenë anëtare i Ansamblit “Zenel Hajdini” të qytetit, Gjilanit, “Idriz Seferi” nga Zhegra e shumë ansambleve të tjera. Me vetë iniciativë ka formuar Ansamblin Folklorik me emrin “Emin Duraku Krasniqja” në vitin 1969. Por, ka formuar Ansamblin “Ulpiana” në Lipjan (1971). Mandej, ai në vitin 1983 ka formuar Ansamblin kulturo-artistik “Ganimete Tërbeshi” në lagjen e tij “Dheu i Bardhë”, në Gjilan.

Akademia Përkujtimore mbahet nesër në ora 12:00 në Shtëpinë e Kulturës “Xhemajl Berisha”, në Prizren./ KultPlus.com

Të ngjajshme