займ на карту онлайн потребительский кредит

Ndoshta ishte puthje

12 Shtator, 2018 - 8:30 pm

Poezi nga Adem Gashi.

Në buzë më rri një bulë
mbetur nga një puthje
përzierje qumështi e loti tepër e rrallë,
e kush më mirë se buzët ruan një perlë
të mos bëhet dhallë

Mbase e tërë shfaqja s’është tjetër
veçse kujtim i largët,
kujtim i ri në një peizazh me gjethe e shi

Në pyllin poetik me lajthi
lajthitur sherrnajës shtojzovalle
si vetëndëshkim po e ndez një cigare

Humbës i humbur
tymit të saj të platintë,
tymit të saj të zi

Ndoshta vërtet qe puthje
në pezulin e një ëndrre./ KultPlus.com

Të ngjajshme