Paqe e harruar

9 Shkurt, 2018 - 7:48 pm

Brikenë Ceraja Beka

Në fund të tokës dua të shtrihem
Sa kam mall të puth
Paqen që ma kanë gozhduar
Ty tokë po të lë nën bardhësinë e vonuar
Po shtrihem mu në fund të tokës
Të dehem me dashurinë tënde
Më thirr!
Atje mu në fund
Ka vite që më pret
E të marrët le të vallëzojnë mes lakuriqësive
Le të ikë nga përditshmëria fantazma ime
Ti dehje që më pastron nga pluhuri i kohës
Kam mall të të puth paqe e harruar.

(Poezia është një prej dhjetë poezive finaliste të edicionit të dytë të konkursit ‘KultStrofa’ organizuar nga KultPlus).

Të fundit

Të ngjajshme