Poezi nga Sali Bashota

Thanë tri gjëra vdesin ngadalë
E para: dhimbja e bekuar
Kur mbaron rituali i shiut
Një natë me hënë

Thanë tri gjëra vdesin ngadalë
E dyta: vetmia e fjetur
Kur mijëra e mijëra kujtime
Mbahen ndër mend përgjithmonë

Thanë tri gjëra vdesin ngadalë
E treta: trishtimi i fjalëve
Kur bijnë gjethet e drunjve
Mbi shpirtrat tanë

Thanë tri gjëra vdesin ngadalë
Nëse nuk të them
Të dua/KultPlus.com