займ на карту онлайн потребительский кредит

Bebe Rexha: “Femrat meritojnë të ndihen mirë në lëkurën e tyre”

Gusht 6, 2019 - 10:54 pm

Bebe Rexha po e promovon pozitivitetin e trupit në fushatën e saj të re për brendin me po të njëjtin titull, Bebe.

Këngëtarja e hitit “Last Hurray” është bashkuar me brendin e rrobave, të themeluar nga kryesuesi i Manny Mashouf, për fushatën e saj Bebe Loves Bebe vjeshtë 2019, shkruan KOHA Ditore. Dhe duke folur për “People”, 29-vjeçarja theksoi se shpreson që fushata #LoveYourself do t’i inkurajojë femrat e të gjitha formave dhe madhësive që t’i pranojnë trupat e tyre.

“Dua që femrat të ndihen mirë, sepse ato meritojnë të ndihen mirë në trupin e tyre dhe në lëkurën e tyre”, këmbënguli ylli. “E dini kur i vishni një palë xhinse ose një fustan të mirë, dhe ju rri aq mirë dhe duket aq mirë, prandaj është një veshje që nuk mund ta largoni kurrë? Shpresoj se njerëzit do të gjejnë diçka të tillë në këtë koleksion”.

Puna me brendin është një rikthim për yllin e hitit “Say My Name”, e cila e pranon se bluza ikonike Bebe që ajo e vesh në promo ishte “gjëja më “in” që mund të vishej” kur ajo ishte në shkollë të mesme.

Duke reflektuar për ato vite, e nominuara e dyfishtë për “Grammy” e pranoi se do të donte të kishte më shumë besim për trupin e saj, duke shtuar: “Ne nuk mësojmë se si ta duam veten kur jemi më të rinj.

“Mendoj se është më të vërtetë e rëndësishme që njerëzve t’u rikujtohet se çdo formë e trupit, çdo ngjyrë, pavarësisht se çfarë jeni, është e bukur, dhe ky mesazh t’u rikujtohet njerëzve.” /KultPlus.com

Të ngjajshme