Bebe Rexha: Para dhjetë viteve nuk kalova as raudin e parë në American Idol, tani jam mentore e konkurrentëve

4 Mars, 2018 - 12:00 pm

Këngëtarja shqiptare me famë botërore, Bebe Rexha ka treguar se këtë sezon do të jetë mentore e konkurrentëve që do të marrin pjesë në “American Idol”, shkruan KultPlus.

Lidhur me këtë këngëtarja Bebe Rexha përmes një postimi ka treguar historinë e saj para dhjetë viteve në këtë audicion, ku së bashku me nënën e saj kishte pritur për dhjetë orë në radhë. Me këtë histori Bebe Rexha ka një mesazh inspirues, që gjithmonë duhet ndjekur ëndrrën tënde, pavarësisht dështimeve që mund t’i sjellë fillimi.

“10 vite më parë nëna ime dhe unë kemi pritur për dhjetë orë në radhë për audicionet e American Idol. Unë nuk arrita ta kaloj as raundin e parë, por nuk hoqa kurrë dora nga ëndrra ime. Është çmenduri se si jeta vjen në një rreth të plotë. Jam e ngazëllyer të njoftoj se unë do të jem mentore e konkurrentëve në American Idol,” ka shkruar këngëtarja në rrjetin e saj “Instagram”./KultPlus.com

Të fundit

Të ngjajshme