Dua Lipa është zyrtarisht këngëtarja më e nominuar në çmimet muzikore BRIT AWARDS 2018

Nominimet të cilat u bënë publike pak minuta më parë, tregojnë se Dua Lipa është e nominuar në gjithsej pesë kategori, shkruan KultPlus.

Lipa, një këngëtare tanimë e njohur gjithandej me hitet “New Rules” dhe “IDGAF”, është nominuar në kategoritë: artistja më e mirë femër, artistja më e mirë debutuese, kënga më e mirë me “New Rules”, albumi më i mirë anglez dhe videoklipi më i mirë anglez.

Në kategorinë e albumit më të mirë ajo garon edhe krahas Ed Sheeran, ndërsa në kategorinë e artistes më të mirë femër është krahas Paloma Faith, Jessie Ware, Kate Tempest dhe Laura Marling.

Çmimet Brit Awards do të ndahen me 21 shkurt në 02 Arena në Londër.

Këtu i gjeni të gjitha nominimet dhe shkrimin e The Guardian për Dua Lipën. / KultPlus.com