Fletushkat që po shpërndahen në sheshet e Prishtinës po habisin qytetarët

22 Korrik, 2018 - 8:00 pm

Dy vajza në shesh ka disa netë që shpërndajnë fletushka ku reklamohet veprimtaria e striptizit.

Në kohën kur në sheshe janë të mbushur me njerëz tashmë kur kanë ardhur edhe mërgimtarët, kryesisht me familjar, dy vajza ka disa netë që nëpër sheshet e Prishtinës po shpërndajnë disa fletushka në të cilat shihen femra gjysmë të zhveshura, shkruan Magazina.al

Fletushkat kanë për qëllim që ta reklamojnë dhe t’i ftojnë meshkujt për ta vizituar një klub të striptizit që gjendet në magjistralen Prishtinë-Ferizaj.

Qytetarë të shumtë janë habitur kur kanë parë në dorën e tyre një fletushkë me femra lakuriqe, ndërsa ka prej të tillëve që e shohin edhe si mundësi për ta vizituar.

Sigurisht që mënyra se si shpërndahen këto fletushka nuk është aspak e përshtatshme, pasi në kohën kur ato po shpërndahen, sheshet kryesisht vizitohen nga familjarë,shkruan Magazina.al

Nuk dihet nëse ky biznes ka leje nga ndonjë institucion për të bërë kësi lloj reklamimi nëpër shesh./ KultPlus.com

Të fundit

Të ngjajshme