‘Në shkollën e trishtimit jam nxënësja më e mirë’

Anjeza Shahinin shumë moti nuk e kemi parë në skenat shqiptare.

Këngëtarja e cila e para përfaqësoi Shqipërinë në Eurovizion dhe arriti një rezultat të mahnitshëm, ka kohë që nuk ka dalë me një projekt muzikor.

Shahini në repertorin e saj muzikor ka plot këngë të cilat ne i dëgjojmë.

Sonte po e sjellim një bashkëpunim mes Anjezës, Aida Barakut dhe Armend Rexhepagiqit, këngën “Nxënësja më e mirë”. Kënga u këndua para më shumë se dhjetë vitesh në festivalin Kënga Magjike.

Tekstin e këngës e realizoi Baraku, melodinë Armend Rexhepagiqi dhe Anjeza e performoi këngën për të marrë më pas Çmimin e Kritikës. / KultPlus.com