Etiketë: aplikimet

Hapen aplikimet për postin e drejtorit të Galerisë së Arteve në Tiranë

Posted on by Kult Plus

Ministria e Ekonomisë, Kulturës dhe Inovacionit shpall thirrjen për aplikime për drejtimin e një prej institucioneve më të rëndësishme të trashëgimisë dhe krijimtarisë artistike në vend, Galerisë Kombëtare të Arteve.

Afati për dorëzimin e dokumenteve pranë Zyrës së Protokollit në Ministrinë e Ekonomisë, Kulturës dhe Inovacionit, përfundon në 22 korrik 2025.

Galeria Kombëtare e Arteve është institucioni më i rëndësishëm i arteve pamore në vendin tonë. Këtu ruhet koleksioni Kombëtar i arteve pamore, duke filluar nga gjysma dytë e shek. XIX e deri në ditët tona. Ky koleksion përbëhet nga vepra të periudhës së Rilindjes Kombëtare dhe Pavarësisë, një koleksion ikonash që i përket shek. XIII – XIX, koleksioni më i madh i pikturës dhe skulpturës së periudhës së Realizmit Socialist, pavijoni i artistëve të huaj, si dhe një koleksion i artit bashkëkohor kombëtar dhe ndërkombëtar.

Veprat e fondit kombëtar ekspozohen të ndara sipas periudhave historike, ose në bazë të koncepteve artistike që synojnë rivlerësimin në kohë të vlerave që bart ky institucion, për t’ia paraqitur ato publikut në mënyrë cilësore.

Aktualisht Galeria Kombëtare e Arteve është në rikonstruksion të plotë. Krahas godinës fillestare është shtuar edhe një godinë simotër. Më këtë godinë të re shtohet me 4000 m2 hapësira e vënë në dispozicion të artit pamor. Projekti parashikon që të ruhen, disa nga detajet dhe hapësira identitare të godinës fillestare. /atsh/ KultPlus.com

”Fest ’63” – Hapen aplikimet për këngët nga datat 27, 28 dhe 29 shtator

Posted on by Kult Plus

E ndërsa ditët kalojnë për t’ju afruar netëve Festivalit të Këngës në Radio Televizionin Publik Shqiptar duket se përgatitjet kanë nisur.

Thirrja e parë për kompozitorët, artistët, krijuesit sapo ka nisur të përcillet nga ekrani dhe social media e RTSH-së.

 Është vetë Elhaida Dani ajo që po fton, përmes një spoti, artistët që të aplikojnë e të sjellin krijimet e tyre për festivalin e këtij viti, duke kujtuar edhe një herë faktin se gara e vërtetë e muzikës i ka rrënjët tek festivali i këngës në Radio Televizionin Publik Shqiptar.

“Eja fitoje!” është ftesa e drejtpërdrejtë e artistes drejtuar artistëve, duke synuar të përcjellë tek ata krahas informacionit edhe besimin për një konkurim të drejtë e transparent, ashtu siç e ka dashur dhe vlerësuar, sa herë ka marrë pjesë në festivale, edhe vetë ajo.

Nuk dihet ende nëse këtë vit do të ketë dy apo një çmim të parë, nëse fituesen që do të na përfaqësojë në Eurovizion do ta zgjedhë sërish vota e publikut apo jo. Këto janë detaje që do të zbardhen ditë pas dite. Ajo çfarë dihet e saktë sot për sot është se në datat 27-28 dhe 29 shtator.