Ishulli Ellis në Amerikë ka shërbyer si portë për kalimin e më shumë se 12 milionë emigrantëve. Ishulli u bë pjesë e Monumentit Kombëtar të Statujës së Lirisë në vitin 1965 dhe mirëpret një muze të emigracionit që nga viti 1990. Kurse në mesin e fotografive të imigrantëve, që kohë më parë Biblioteka e New York-ut i ka publikuar, e të cilat janë më shumë se 100 vite të vjetra, gjendet edhe një shqiptare, shkruan KultPlus.
Lansimi i fotografive është bërë në kuadër të lansimit të mbi 180 mijë fotografive të digjitalizuara të cilat kanë qenë pjesë e librarisë.
Është vlerësuar se gjysma e të gjithë amerikanëve mund të gjurmojnë prejardhjen e tyre në të paktën një person që erdhi përmes ishulli Ellis. Fotografitë janë bërë nga Lewis W. Hine (1974-1940).
“Një grua shqiptare, që ka ardhur në Ishullin Ellis nga Italia -1905. Kjo grua mbanë të veshur kostumin e saj kombëtar. Ndonjëherë ishulli duket sikur një festë më kostume ballosh, me kostume shumë-ngjyrësh të kombeve të ndryshme”, është përshkrimi që e shoqëron fotografinë./ KultPlus.com
