Pritja e Nënëlokes

Poezi nga Brikenë Ceraja-Beka

Rrugëve të heshtura
Ecën Nënëlokja e kohës
Ka më se një orë
Që ndjek zërat që i dëgjon
Ka më se një javë
Bisedon me ta në heshtje
Ka një dekadë që ecën
Rrugëve të heshtura
Në pritjen e lindjes së re
Eh!…
Edhe pas një shekulli
Do ta presë kthimin e diellit
Do t’i presë eshtrat
O njerëz!
Ktheni kokën mbrapa
Shikoni Nënëloken
Rrugëve të heshtura
Ec e pret
Pret e ec
Pret kohën e pakohë
Pret lindjen e diellit
Pret e pret… /KultPlus.com

Andrrën ta trishtuam

Poezi nga Brikenë Ceraja Beka.

Në udhëtimin e një dekade po zbavitëm me heshtjen
Pse po shkelim me dashni n’lagështi të kohës
Po eshtnat që ia falem fundit të tokës
Për t’na lulëzu një herë një gurë
Aktrojmë një dekadë nën mjegullën pa pëlhurë
Po pse e frikësuam edhe diellin e atë gjysmëhanë
Me ta rritë shtatin ty dhjetëvjeçar
Po ta trishtuam andrrën që n’gjumin e thellë
U ringjalle veç me puthë po atë diell
E shkërdhyem një dekadë pa a dashtë dashninë.

bcb (shkurt 2018)

Brikenë Ceraja Beka në mesin e dhjetë finalistëve të “KultStrofa”

Juria profesionale e edicionit të dytë të konkursit të poezisë “KultStrofa”, të organizuar nga KultPlus, nga 150 poezitë sa kanë konkurruar për këtë edicion, tashmë ka përzgjedhë edhe dhjetë finalistët e këtij edicioni.

Në mesin e dhjetë finalistëve është edhe Brikenë Ceraja Beka, e cila në këtë konkurs ka konkurruar me poezinë “Paqe e harruar”

KultPlus do të shpalosë një nga një dhjetë finalistët, sikurse që do të bëjë publike edhe jurinë profesionale të këtij edicioni.

Sponsor gjeneral i këtij edicioni është ProCreditBank. Kurse tre çmimet e para nga dhjetë finalistët do të kumtohen në orën letrare që do të organizohet së shpejti nga KultPlus./ KultPlus.com