British Council hap thirrjen për të gjithë krijuesit nga Kosova, për Programin “Creative Producers”

Përmes një aktiviteti të mbajtur në Kino Armata me zyrtarë të Mbretërisë së Bashkuar dhe industrinë kreative të Kosovës u shpalos versioni i fundit i programit “Creative Producers” dhe po ashtu u festuan programet e artit dhe kulturës që janë bërë viteve të fundit.

Folës në këtë ngjarje ishin, Ambasadori britanik në Kosovë, Nicholas Abbott si dhe këshilltarja e ministrit Çeku, Dorotea Deshishku.

Ky program është krijuar për të zhvilluar profesionin e industrisë kreative në nivel ndërkombëtar duke mbështetur projekte të reja, ekipe dhe ekonomi kreative për të ofruar projekte kreative më ambicioze dhe të guximshme.

British Council dhe Galeria Kombëtare e Kosovës sjellin “Burrneshat”

Burrneshat, përkthimi tekstual i cili mund të gjendet në fjalor do të ishte “Virgjëresha e betuar”, duke iu referuar disa grave në Malet e Shqipërisë që jetojnë jetën e një mashkulli. Megjithatë, kjo fjalë ka një kuptim tjetër në Kosovë. Fjala është pak a shumë e përdorur si një kompliment për një grua që tregon vendosmëri, besueshmëri, forcë, tipare të personalitetit që supozohet se u atribuohen meshkujve. Dhe nuk derdhin lot.

Ngjajshëm me Burrneshat, mund të vëzhgojmë gratë artiste, të cilat /mes punës së tyre po luftojnë për të jetuar të vërtetën e tyre dhe t’i dëgjohet zëri i tyre. Artistet në Kosovë ishin dhe ende janë në një masë, shembuj tipik të diskriminimit gjinor. Kudo, megjithëse rreth dy shekuj më parë, gratë ishin lënë jashtë institucioneve kulturore dhe duhej të luftonin që të hynin në shkollat e artit, në muze dhe galeri që të vinin në pah. Gruaja e parë e Kosovës u diplomua në një shkollë të artit në vitet 70-ta, në një kohë kur krijimtaria e grave ishte ende e kufizuar në qëndisje dhe thurje.

Tani, gratë janë mësuese të artit, artiste dhe të punësuara në institucionet e artit në një nivel të kënaqshëm drejt barazisë. Kështu, krahasuar me vendet e rajonit, situata është pak a shumë e njëjtë: artistet më në fund po v në një ritëm jashtëzakonisht të vonuar, por të vendosur. Megjithatë, sa më shumë që ky fenomen social të shqyrtohet, aq më shumë pyetje ngriten. Një gjë që nuk mund të shmanget është: Pse ka kaq shumë mospërputhje në mes numrit të studenteve të artit dhe numrit të artisteve të diplomuara aktive? Shifrat kanë rënie drastike, kur gratë artiste gjejnë veten duke bërë punë të tjera dhe ngritjen e familjeve. A është të qenit një artiste, kërkesë e madhe?

Këto janë vetëm disa nga pyetjet që frymëzuan British Council dhe Galerinë Kombëtare të Kosovës për të bashkëpunuar në një ekspozitë unike që do të ekspozohet në Prishtinë në janar. Kjo ekspozitë është pjesë e ekspozites “Perceptimet” si projekt rajonal i British Council, i cili diskuton çështjet kryesore sociale përmes artit dhe dialogut në mes artistëve. Burrneshat përmbanë një bashkëpunim të veçantë në mes artistëve britanikë dhe atyre kosovarë që eksplorojnë pozitën e grave në shoqëritë tona. Ekspozita do të hapet më 25 janar deri më 20 shkurt. / KultPlus.com