MUTE Foundation së bashku me Kuvendin Komunal të Prishtines dhe FSK do të organizojnë projektin e veçantë të titulluar “ Une / Ty Dashuri në Paketë” , shkruan KultPlus.
Për t’i bërë më të bukura dhe me kuptimplota festat e fundvitit për fëmijët ky projekt fton të gjithë fëmijët, prindërit dhe mësuesit që të ndihmojnë në mbledhjen e pakove me dhurata. Në këtë mënyrë fëmijët do të mund të dhurojnë dhe të marrin dhurata për njëri-tjetrin.
Qëllimi i këtij projekti është që përmes tij të kultivohet dhembshuria, solidariteti, vullnetarizmi tek fëmijët në mënyrë që të ndikohet direkt ne shëndetin e tyre emocional e shpirtërore në krijimin e një bote më të mirë.
Vitin e kaluar ky projekt kishte rezultuar shumë i suksesshëm ku falë përkushtimit të mësuesve e prindërve janë grumbulluar rreth 7000 pako me dhurata të përgatitura nga fëmijët e moshës 4-11 vjeçare të kryeqytetit./ KultPlus.com