Etiketë: drone

Qeveria e Kosovës blen dronë Bayraktar TB-2 të, Kurti: Kosova tash është edhe më e sigurt

Posted on by KultPlus

Kryeministri i Kosovës Albin Kurti nëpërmjet një njoftimi ka shkruar se Qeveria e Kosovës tashmë ka blerë dronë, shkruan KultPlus.

Më poshtë ju sjellim njoftimin e plotë.

Arsenalit të ushtrisë sonë i kemi shtuar edhe dronë Bayraktar TB-2 të cilët i kemi blerë si Qeveri nga Turqia! Në dy vjet qeverisje e kemi shtuar për mbi 80% numrin e ushtarëve dhe mbi 100% buxhetin për ushtrinë. Kosova tash është edhe më e sigurt përveçse gjithnjë krenare! Me Komandantin e FSK-së gjenerallejtnant Bashkim Jashari dhe Ministrin e Mbrojtjes Armend Mehaj përgëzuam oficerët që e kanë kryer trajnimin për përdorimin e dronëve./ KultPlus.com

Qindra dronë krijuan në qiell “The Starry Night” të Van Gogh, duke hyrë në rekordet Guinness (VIDEO)

Posted on by Kult Plus

600 dronë “interpretuan” kryeveprën e Van Gogh në Kinë.

“Nata me Yje” e Van Gogh është rikrijuar në mënyra origjinale nga artistët kudo në botë. Është pikturuar në mure dhe në postera, me kokrra kafeje, madje edhe në një shteg biçikletash. Dukej sikur piktura e ishte realizuar kudo.

Por Kina theu përditshmëritë teksa 600 dronë realizuan “The Starry Night” në qiellin e natës në bashkinë Tianjin të Kinës veriore, duke vendosur një rekord botëror Guinness.

EFYI Group, një kompani e prodhimit të dronëve, së bashku me Universitetin Tianjin në Kinë, arritën rekordin për animacionin më të gjatë të kryer nga mjete ajrore pa pilot (UAV) me një kohë prej 26 minutash dhe 19 sekonda, sipas faqes së internetit të Guinness./ KultPlus.com

Venhar Sylka, piloti i parë i certifikuar për dronë

Posted on by Kult Plus

Venhar Sylka është certifikuar si piloti i parë për dronë, ka bërë të ditur përmes një njoftimi Autoriteti i Aviacionit Civil.

“Në vazhdën e aktiviteteve rregullatore të parapara me legjislacionin në fuqi më datë 9 tetor 2020 Autoriteti i Aviacionit Civil organizoi për herë të parë provimin për testin e njohurive për sistemet e mjeteve ajrore pa pilot (dronëve) të Kategorisë 3. Këtij provimi i është nënshtruar z. Venhar Sylka i cili ka kaluar me sukses këtë test”, thuhet në njoftim.

Tutje thuhet se me këtë rast drejtori i Përgjithshëm i AAC-së, Bujar Ejupi ndau certifikatën e parë për këtë kategori të sistemeve të mjeteve ajrore pa pilot, duke i uruar Sylkës suksese dhe operime të sigurta në të ardhmen.

Operimet e sistemeve të mjeteve ajrore pa pilot (dronëve) janë të rregulluara me Rregulloren e AAC-se nr. 01/2017./ KultPlus.com

Fluturim mbi atraksionet më të bukura turistike në Jug (VIDEO)

Posted on by KultPlus

Me vijën e gjatë bregdetare dhe thyerjen e relievit malor, me monumente natyrore dhe kulturore të shumta si dhe me site arkeologjike të njohura, jugu i vendit është një destinacion i padiskutueshëm turistik.

Përmes një videoje promovuese, Kryeministri Edi Rama solli pamjet e mrekullueshme turistike të jugut të vendit.

“Mirëmëngjes dhe me këtë fluturim mbi disa nga atraksionet më të bukura turistike në Jug të Shqipërisë, ju uroj një javë sa më të mbarë”, u shpreh Rama.

Një përzierje e detit, maleve dhe burimeve të mahnitshme natyrore, si dhe një trashëgimi e pasur kulturore, traditë dhe kuzhinë të shijshme, e bëjnë jugun e vendit ideal për të gjitha llojet e aktiviteteve në natyrë dhe një destinacion perfekt turistik./m.m/ KultPlus.com