Enrique Iglesias shpallet artisti më i mirë latin i të gjitha kohërave

Ylli i hitit “Hero, Enrique Iglesias, do të nderohet me çmimin “Artisti më i mirë latin i të gjitha kohërave” në edicionin e sivjetme të ceremonisë “2020 Billboard Latin Music Awards”.

Shpërblimin, këngëtari do ta pranojë më 21 tetor në qendrën “BB&T Center” në Florida, me ç’rast nderohet karriera e tij e mbushur me suksese në skenën muzikore, përfshirë këtu faktin se i ka shitur më shumë se 180 milionë albume, transmeton Koha.

Muzika e Iglesias është shkarkuar 19 miliardë herë në platformat muzikore, si dhe videoklipet e artistit kanë arritur t’i marrin rreth 17 miliardë klikime. Mbi 10 milionë njerëz i kanë ndjekur koncertet e këngëtarit anembanë botës, derisa Iglesias pritet ta fillojë turneun e tij të radhës në vitin 2021.

Afo Verde, kryetari dhe kryeshefi ekzekutiv i studios “Sony Music Latin Iberia”, citohet të ketë thënë: “Enrique është një artist ikonik, yll global i muzikës dhe një profesionist i kësaj industrie, por më e rëndësishmja, ai është një njeri i jashtëzakonshëm. Muzika e tij i ka kaluar gjeneratat, dhe ky shpërblim më se i merituar është vetëm testament i ndikimit të vazhdueshëm të tij, në skenën muzikore botërore. Për ne si ‘Sony Music’ është një nderë i veçantë të punojmë me të. Urime, Enrique!”.

Gjatë një interviste në vitin 2018, Iglesias e kishte pranuar se një ditë dëshiron të ndalojë së realizuari turne dhe të fokusohet në familjen e tij. Këngëtari i njohur spanjoll tre fëmijë, Lucy, Nicholas dhe Marym, me partneren e tij prej 19 vjetësh, Anna Kournikova. / KultPlus.com

Në Tiranë zbret edhe një tjetër yll, surpriza e radhës nga Bashkia e Tiranës

Emeli Sande është kënëgëtraja me famë që do të përformojë në Tiranë,në “Natën e Bardhë”, në sheshin Skënderbej, shkruan KultPlus.

Por nuk është vetëm kjo këngëtare e famshme që do të performojë në Tiranë. Ylli tjetër, sipas Juli Dhame nga Bashkia e Tiranës është Enrique Iglesias, që konsideroeht një artist mjaftë i arrirë.
Sipas saj, Iglesia s ka kërkuar që në kuadër të turit të tij, të futet edhe Tirana, Sipas Telegraf, ky koncert do të mbahet në muajin maj të vitit që vjen./KultPlus.com