Një shqiptare rrëmben çmimin amerikan ‘Woman of Consequence’ për vitin 2020

Etel Haxhiaj, aktiviste e njohur shqiptaro-amerikane, i jepet çmimi “Woman of Consequence“ për vitin 2020 nga Komiteti Këshillimor për Statusin e Grave në Qytetin e Worcester-it, transmeton KultPlus.

Etel ka studiuar zhvillimin ndërkombëtar dhe ndryshimet shoqërore, master në zhvillimin e komunitetit dhe planifikimin në Clark University.

Karriera e saj profesionale ka në fokus shërbimin ndaj komunitetit. Aktualisht është Drejtore e Avokatisë Publike dhe Arsimit në Aleancën e Strehimit në Central Massachusetts.

Ajo është përfshirë në shumë organizime në komunitet dhe është vullnetare për Bordin e Drejtorëve të YWCA. / KultPlus.com