Festivali Multietnik i këngëve tradicionale me larmi të aktiviteteve

Festivali Multietnik i këngëve tradicionale, do të mbahet këtë vit më 23 gusht, në stadiumin e shkollës në Grnçare (Prizren).

Ky festival organizohet nga Shoqata e Kulturës PLEJADA Prizren nën patronazhin e Zyrës së Presidentit të Republikës së Kosovës, Ministrisë së Kulturës, Rinisë dhe Sportit, komunën e Prizrenit dhe Qendra Multimedia në kuadër të programit “Kultura për ndryshim”. Festivali tradicional do të organizohet në format më të gjerë, ku do të marrin pjesë një numër i madh këngëtarësh tradicional nga të gjitha komunitetet nacionale, në Kosovë.

Është hera e tretë që organizohet ky festival tradicional dhe sipas Shoqatës së Kulturës Plejada, çdo komunitet kombëtar do të ketë pjesën e tij të performancës në Festival me një numër të madh surprizash. Në edicionin e këtij festivali marrin pjesë të gjitha komunitetet në Kosovë dhe festivali synon të ruajë dhe promovojë këngët dhe vlerat tradicionale të Republikës së Kosovës.

Këshilli Organizativ i këtij Festivali thotë se për shkak të interesimit të madh të adhuruesve të traditës, kulturës dhe këngëve tradicionale, Festivali do të mbahet në hapësirën e stadiumit të shkollës në Grnçare./ KultPlus.com