Sot janë mbushur 12 vite nga shkuarja në amshim e presidentit historik të Kosovës Ibrahim Rugova. Sot gjithçka mbizotëronte në frymë Rugoviane, dhe shumë fytyra publike në Kosovë, e kujtuan presidentin historik në mënyra të ndryshe e fotografi nga më të rrallat, shkruan KultPlus.
Një fotografi e rrallë është publikuar edhe nga njeriu i afërt i presidentit Rugova, Adnan Merovci, i cili ka sjellë një fotografi ekskluzive të realizuar në vitin 1997.
“Në vend të përkujtimit për 12 vjetorin e ndërrimjetës!
Presidenti RUGOVA kishte mendjen, punën, orientimin dhe gishtin kah INDEPENDENCE (Pavarësia)!
Foto ekskluzive të cilën e kam bërë në vitin 1997, afër Capitol Hill në Washington D.C.”, ka shkruar Merovci në rrjetin social Facebook./ KultPlus.com