Grupin ‘Votra’ nuk e harrojmë lehtë.
Sidomos kënga “Kur të kam pranë” ishte e veçantë dhe një hit në kohën kur u lansua. ‘Votra’ me anëtarët Armend Fejzullahu, Lulzim Mulolli, Amir Mehmeti dhe Neil Thom.
“Kur të kam pranë” në vitin 2005 ishte edhe pjesëmarrëse në Top Fest në Shqipëri.
Grupi nu ka shumë këngë por ato të realizuarat i kanë mishëruar dhe sjellë para publikut në një formë unike dhe me një karizëm që djemtë e grupit e kanë përçuar gjithmonë, shkruan KultPlus.
Sot, derisa po e kujtojmë këngën e njohur, vokalisti Armend Fejzullahu duket se do të nisë një projekt të ri muzikor.
Ka vite që nuk ka sjellë diçka të re por Armendi po punon me kompozitorin Florent Boshnjaku për një nismë të re muzikore. Vetë kompozitori ka postuar një fotografi me këngëtarin duke paralajmëruar diçka të re. / KultPlus.com