Vogëlushja ime e ëmbël

Nga: Guns N’ Roses
Shqipëroi: Bujar Meholli

Ajo ka aso buzëqeshje
që m’i sjell para syve
të gjitha kujtimet fëmijërore,
atëherë kur gjithçka qe e freksët
dhe qielli blu
ndriçonte sipër nesh.

Kur e sodis fytyrën e saj tani
honepsem dhe largohem nga këtu,
ajo më dërgon atje tej
drejt një vendi krejt të veçantë,
por kam frikë ta sodis gjatë
nga frika se mos thyhem
dhe më njomen sytë.

Oh, fëmija im i ëmbël
e ëmbla dashuri e imja…

Sytë e saj janë ngjyrë blu e dendur
ashtu sikur qielli më blu,
por po ta mendonin shiun
do e urreja t’i shikoja
dhe dhimbja do të ishte e madhe.

Floknaja e saj ma kujton një vend
ku buron ngrohtësia
dhe gjithçka është e sigurtë,
aty ku porsi fëmijë do të fshihesha
duke u lutur që të ndalen bubullimat
e shiu, dhe qetësia të pasojë…

Fëmijë i ëmbël,
e ëmbla dashuri,
më thuaj.

Ku po shkojmë?
Tani, kah do të shkojmë? /KultPlus.com

Guns Nʼ Roses rekord në YouTube, mbi 1 miliard klikime me “November rain”

Shifra rekord në YouTube për videon e “November Rain” të Guns N’ Roses”. Sipas revistës “Forbes”, me një mesatare prej rreth 560 mijë shikime në ditë gjatë vitit 2017, e kanë sjellë atë përtej pragut të një miliard klikimeve në internet.

Sidoqoftë, veçoria nuk është e papërfillshme në detaje, pasi ajo daton që nga viti 1992. Sipas “Forbes”, kjo do të ishte videoja e parë muzikore para epokës së platformës së njohur të internetit për të arritur një qëllim të tillë.

”November Rain” është një këngë e përfshirë në “Use Your Illusion I”, albumi i tretë në studio i Guns N ‘Roses i lançuar në vitin 1992. Video tregon martesën midis Axl Rose dhe Stephanie Seymour, të dashurës së tij të kohës dhe kujtohet për muzikën e Slash në kitarë, i cili luan përpara një kishe në shkretëtirë./KultPlus.com