Bon Jovi: Âsht jeta jem’ 

Përktheu Ridvan Bunjaku

(It’s my life)

Kjo s’âsht kangë për zemër-thymt’

As lutje e qetë për besim-humbunit

S’do t’jâm veç ftyrë n’turmë

Ki me ma ni zânin kur t’bërtas fort

[Refreni]

Âsht jeta jem’

O tash o kurr’

S’kom me rrnu gjith’

Veç po du me rrnu sa t’jâm gjallë

(Âsht jeta jem’)

Zemra m’âsht si autostradë e gjânë

Qysh tha Frenki, “Ia bâna me t’temën”

Veç po du me rrnu sa t’jâm gjallë

Âsht jeta jem’

[Strofa 2]

Kjo âsht për ata që u majtën

Për Tomin e Gjinën që kurrë s’u tërhoqën

E nesërmja po bâhet ma e v’shtirë, mos u huto

As fati s’ka nafakë, duhësh m’i grahë vetë

[Refreni]

Âsht jeta jem’

O tash o kurr’

S’kom me rrnu gjith’

Veç po du me rrnu sa t’jâm gjallë

(Âsht jeta jem’)

Zemra m’âsht si autostradë e gjânë

Qysh tha Frenki, “Ia bâna me t’temën”

Veç po du me rrnu sa t’jâm gjallë

Âsht jeta jem’

[Ura]

Ma mirë t’bjen me kânë krenar kur t’sfidojnë

Mos u përkul, mos u the, zemër, mos u tërhiq

[Refreni]

Âsht jeta jem’

O tash o kurr’

S’kom me rrnu gjith’

Veç po du me rrnu sa t’jâm gjallë

(Âsht jeta jem’)

Zemra m’âsht si autostradë e gjânë

Qysh tha Frenki, “Ia bâna me t’temën”

Veç po du me rrnu sa t’jâm gjallë

Âsht jeta jem’

Âsht jeta jem’

O tash o kurr’

S’kom me rrnu gjith’

Veç po du me rrnu sa t’jâm gjallë

(Âsht jeta jem’)

Zemra m’âsht si autostradë e gjânë

Qysh tha Frenki, “Ia bâna me t’temën”

Veç po du me rrnu sa t’jâm gjallë

Âsht jeta jem’. / KultPlus.com

Jon Bon Jovi dhe Bryan Adams rezultojnë pozitiv me COVID-19

Yjet e njohur të muzikës, Jon Bon Jovi dhe Bryan Adams, kanë rezultuar pozitiv me koronavirus, për çka edhe janë detyruar t’i anulojnë të gjitha performancat e planifikuara për fundjavën që e lamë pas.

Bon Jovi e mori lajmin se është prekur nga COVID-19, vetëm disa orë para se të dilte në skenë për të performuar në koncertin e tij në Miami. Mediat lokale raportuar se fansat tashmë ishin future në lokacionin ku do të mbahej koncerti, kur u njoftuan se performance e këngëtarit ishin anuluar.

Zëdhënësit e Bon Jovit kanë bërë të ditur se ai është i vaksinuar dhe po ndihet mirë me shëndet.

Ylli legjendar i muzikës ka qenë përkrahës i madh i masave të sigurisë ndaj COVID-19. Në prill të vitit të kaluar, ai e lansoi videoprojektin “Do What You Can”, një këngë e realizuar me ndihmën e fansave të tij e cila kishte për qëllim t’i motivojë njerëzit që ta vënë në rend të parë shëndetin e tyre dhe ta kalojnë vetizolimin me lehtësi.

Bon Jovi po ashtu ishte pjesë e fushatës së muzikantit Bruce Springsteen për rregullat e sigurisë ndaj koronavirusit, me titull #MaskUpNJ.

Kurse, Bryan Adams ishte planifikuar të performonte në ceremoninë e së shtunës, me ç’rast disa yje u nderuan duke u bërë pjesë e “Rock and Roll Hall of Fame”. Në këtë ngjarje, Adams planifikohej të shfaqej krahas kantautores, H.E.R., për ta interpretuar këngën “It’s Only Love” për nderë të ikonës së muzikës, Tina Turner, e cila ishte në mesin e artistëve të nderuar gjatë mbrëmjes. Bryan dhe Tina kanë realizuar duet së bashku në vitin 1985. Ndërkaq, ylli australian i muzikës rok dhe country, Keith Urban, e zëvendësoi Adamsin në këtë performancë.

Një përfaqësues i këngëtarit tha për revistën “Billboard” se ai është i vaksinuar dhe nuk po përjeton simptoma të rënda të COVID-it.

Vitin e kaluar, Bryan u bë lajm dhe shënjestër e kritikave për sharjet e tij në mediat sociale, me ç’rast kishte deklaruar se i fajëson disa persona të ndyrë që hanë lakuriqë nate të blerë në tregje të fëlliqura të kafshëve, për krijimin dhe përhapjen e këtij virusi vdekjeprurës. Kantautori kanadez më vonë kishte kërkuar falje publike për fjalët e tij të ashpra, duke thënë se kishte për qëllim të fliste për “mizorinë e tmerrshme të kafshëve” dhe të promovonte veganizmin.

Muajin e kaluar, Adams e paralajmëroi turneun muzikor nëpër Britani të Madhe, i cili ka për qëllim promovimin e albumit të tij të 15-të të incizuar në studio, “So Happy It Hurts”, dhe i cili pritet të lansohet në mars të vitit të ardhshëm. Turneu fillon në maj të vitit 2022 dhe i përfshinë gjithsej 20 koncerte. / KultPlus.com

Infektohet me COVID-19, Jon Bon Jovi anulon koncertin në Miami pak minuta para daljes në skenë

Jon Bon Jovi anuloi koncertin e tij të së shtunës (30 tetor) në Miami, pasi u diagnostikua me COVID-19.

Publiku kishte mbërritur tashmë në “Loews South Beach” kur një person në skenë thuhet se njoftoi se Jon, 59 vjeç, ‘ndihet mirë’ por nuk do të shfaqej për shkak se rezultoi pozitiv për COVID-19.

Media lokal e lajmeve WSVN deklaruan se pavarësisht mungesës së Jon, anëtarët e tjerë të grupit të tij e kryen performancën e tyre, pasi testuan negativ në testin e COVID-19, shkruan DailyMail.

Grupi i tij “Bon Jovi” përfshin kitaristin Phil X, bateristin Tico Torres, basistin Hugh McDonald dhe tastieristin David Bryan.

Gjatë një interviste me Sky News Jon kishte inkurajuar mbajtjen e maskave dhe shprehu shqetësimin e tij se sa politike ishte bërë subjekti.

“Dhe pastaj jemi në një vend ku ne jemi të politizuar një maskë. Kjo është e gabuar”, argumentoi Jon, grupi i të cilit u formua për herë të parë në 1983.

“Nëse një maskë do të ndalonte përhapjen, nëse për asgjë tjetër veçse respektin ndaj fqinjit dhe mikut tuaj, ju keni një copë leckë në hundë, kjo nuk është një punë e madhe, nuk është një sakrificë e madhe”, kishte deklaruar artisti.

Një nga performancat e tij të profilit të fundit ishte në fillim të këtij viti kur ai ishte një nga aktet muzikore në inaugurimin e Joe Biden.

Në vend të një prej këngëve të tij, ai këndoi “Here Comes The Sun” nga The Beatles.

Kujtojmë që tetorin e kaluar ai dhe grupi i tij publikuan gjithashtu një album të quajtur “2020”, duke përshkruar disa nga ngjarjet e vitit të turbullt dhe sfidues me pandeminë./KultPlus.com

Jon Bon Jovi hap restaurant, “Të gjithë janë të mirëseardhur në tryezën tonë”

Jon Bon Jovi është një njeri i cili merret me shumë aktivitete: Ai është një nga reklamuesit më me ndikim në industrinë e muzikës, dhe ai ka qenë një aktor në shfaqjet e famshme televizive si Ally McBeal.

Ai gjithashtu është zgjedhur disa herë si një nga artistët më tërheqës dhe është gjithashtu një aktiv politik i vendosur gjithashtu, transmeton KultPlus.

Sidoqoftë, ai përmendet më pak për punën e tij në bamirësi, edhe pse qëndron i shquar në këtë çështje në mesin e shumë të famshëm. Ai zotëron dy restorante ku njerëzit  të cilët janë të pastrehë dhe nuk mund ti përballojnë shpenzimet e ushqimeve mund të shijojnë ushqimin pa paguar.

Soul Kitchen është emri i organizatës jofitimprurëse e menaxhuar nga Fondacioni JBJ, një institucion që drejtohet nga artisti dhe mban inicialet e tij. Sipas faqes së internetit të restorantit, 51% e ushqimit që ata kanë shërbyer deri më sot janë paguar nga donacionet. 49% e mbetur ishin të mbuluara nga puna vullnetare e njerëzve pa burime financiare.

Kjo është arsyeja pse motoja e restorantit është: “Të gjithë janë të mirëseardhur në tryezën tonë”.

Përveç këtyre dy restoranteve, Fondacioni JBJ ka ndërtuar shtëpi në qytetin e Filadelfias për të pastrehët, përfshirë të rinjtë dhe veteranët e luftës.

Ky fondacion financoi gjithashtu ndërtimin e një qendre e cila ndihmon nënat adoleshente dhe foshnjat e tyre dhe financoi një strehë për të siguruar shtretër dhe kujdes mjekësor për të pastrehët./gazetametro.net/KultPlus.com