Etiketë: Merkeli

Merkeli ia tërhoqi vërejtjen kryeministrit bullgar për maskën e vënë gabim

Posted on by Kult Plus

Gjatë Samitit të Bashkimit që nisi sot në Bruksel, pati edhe skena qesharake. Në një foto, shihet kancelarja gjermane Angela Merkel duke “ia tërhequr vërejtjen” kryeministrit bullgar, Boyko Borissov, se nuk e ka vënë mirë maskën për parandalimin e COVID-19.

Në fotot e shkrepura nga AP-ja, shihet teksa Merkeli ia bën me gisht Borissovit se duhet të mbulojë hundën dhe gojën me maskë.

Të premten, udhëheqësit 27 shteteve anëtare të Bashkimit Evropian u mblodhën në Bruksel për Samitin e kësaj organizate, që ishte takimi i parë që nga shkurti, e ku u diskutuan dhe u morën shumë vendime për luftimin e koronavirusit dhe rimëkëmbjen ekonomike.

Merkeli nderon të moshuarit për sakrificat në pandemi

Posted on by Kult Plus

Kancelarja gjermane, Angela Merkel, ka bërë një falënderim të veçantë për të moshuarit që sipas saj, janë përballur me vështirësi dhe vetmi në muajt e izolimit kundër koronavirusit.

Në adresimin e saj të përjavshëm, Merkeli ka falënderuar gjermanët e moshave më të vjetra që kanë pranuar kufizimet për distancë sociale.

Ajo ka thënë se ka qenë e dhimbshme që nuk kanë mundur t’i shohin fëmijët dhe nipat për shumë javë.

Si në krejt vendet e botës, edhe në Gjermani të moshuarit janë më të goditurit nga pandemia e koronavirusit.

Një numër i tyre kanë vdekur nëpër qendra të kujdesit për të moshuarit.

Gjermania ka filluar me testimin e asimptomatikëve në qendrat e kujdesit, me qëllim që të pamundësohet përhapja e koronavirusit.