Aktorja e njohur kosovare, Xhejlane Tërbunja mbrëmë fitoi çmimin e aktores më të mirë të Festivalit Tradicional të Komedisë, “Mitrovica in Fest”.
Tërbunja e fitoi çmimin si aktorja më e mirë protagoniste me shfaqjen “Komedi e Kuqe”, të autores, Albana Muja.
Lajmin e bëri të ditur sot aktorja përmes një postimi në Facebook, duke falënderuar ekipin, jurinë dhe organizatorët e festivalit.
“Mrame ne festivalin “Mitrovica InFest” pranova çmimin si aktorja me e mire e festivalit me shfaqjen “Komedi e Kuqe” te autores Albana Muja me regjine e Kreshnike Osmani perkrah aktoreve Mehmet Preteni, Njomza Tmava dhe NiK’ Istrefi. Ekipi , ju perqafoj dhe ju falenderoj shume. Mitrovica ka nje domethanie t’veçante per mu, prandaj edhe ky çmim eshte i veçante per mu! Flm jurise, festivalit dhe organizatoreve!”, shkroi aktorja në facebook.
Festivali Tradicional i Komedisë, “Mitrovica in Fest” është mbajtur në qytetin e Mitrovicës, në qendrën e Kulturës, nga data 9 deri më 13 shtator.KultPlus.com
Festivali Tradicional i Komedisë, shpall zyrtarisht emrat e artistëve dhe shfaqjeve pjesëmarrëse në Mitrovica in Fest, festival ky i cili do të mbahet në qytetin e Mitrovicës në Qendrën e Kulturës nga data 9-13 shtator 2019, përcjellë KultPlus.
Festivali Tradicional i Komedisë në Mitrovicë sjell pesë trupa
teatrore, ndërkohë natën e parë e fillon me:
9 shtator- Teatrin “Petro Marko” të Vlorës me shfaqjen “Sundimi i
Gruas”
Autor: Miro Gavran
Regjia: Marigona Bekteshi – Ferati
Luajnë: Dori Çaushi, Artan Islami, Margent Çaushi, Seliana Dalipi
10 shtator- Teatri i Tetovës me shfaqjen “Jashtë bie borë”
11 shtator- Teatri “Muharrem Qena” Mitrovicë me shfaqjen “Komedi e
Kuqe”
Autore: Albana Muja
Regjisore: Kreshnike Osmani
Luajnë: Xhejlane Terbunja, Mehmet Preteni, Njomza Tmava, Fisnik
Istrefi
12 shtator- Teatri i Qytetit Preshevë me shfaqjen “Misteri”
Autor: Aldo De Benedeti
Regjia: Afeida Boriçi – Memeti
(ass. Gjelbrim Emini)
Luajnë: Valon Nuhiu, Egzona Salihu, Gani Veseli, Artan Ibishi
13 shtator- Teatri i Qytetit – Gjilan me shfaqjen “Shfaqja që
shkon keq”
Autorë: Henry Shield, Jonathan Sayer dhe Henry Leëis
Regjia: Ilir Bokshi.
Luajnë: Kushtrim Qerimi, Ernest Zymberi, Alban Shahiqi, Safete Mustafa Bafitu, Gani Rrahmani, Avni Shkodra dhe Tringa Hasani.
“Të gjitha shfaqjet fillojnë nga ora 19:30 në Qendrën e Kulturës
“Rexhep Mitrovica” në Mitrovicë. Media, miq dhe dashamir të artit, ju presim
për pesë netë rradhazi, në Mitrovicë të na bashkoheni, për të parë shfaqje/
komedi të cilat do ju bëjnë të qeshni pa fund dhe të bashkëndjeni me rrëfime
komike nga autorë, regjisorë dhe aktor të dëshmuar”, thuhet në njoftim.
Festivali u mundësua nga: Ministria e Kulturës Rinisë dhe Sporteve, KEK, Ministria e Financave, Komuna e Mitrovicës, Jehona.com- Auto pjesë (Autor spare Parts), Viprint (Printing House), Broja, Museum Pub, Missini sweets, Ma Belle, Art Gazi, Nina, Koha Restaurant, Bunjamini. / KultPlus.com
