Në shënim të vitit të Trashëgimisë Kulturore Evropiane dhe në zbatim të Strategjisë Kombëtare për Trashëgimi Kulturore, MKRS përmes Departamenti të Trashëgimisë Kulturore ndanë Çmimin Vjetor për Diversitet Kulturor të Kosovës për projektin më të mirë që promovon Diversitetin Kulturor të Republikës së Kosovës, shkruan KultPlus.com
Kultura si komponent thelbësor i çdo shoqërie, është pëlhurë që bashkon komunitetet dhe u jep atyre mundësi për shpërfaqjen e identitetit të tyre unik. Njohja dhe faktorizimi i diversitetit kulturor është thelbësor për të ruajtur trashëgiminë kulturore në mënyrë efikase. Përfshirja e diversitetit kulturor, sidomos nëpërmjet ruajtjes së trashëgimisë kulturore, sjell përfitime të prekshme. Përqafimi i diversitetit kulturor në përditshmëri është një forcë lëvizëse për rritjen e qëndrueshme ekonomike, si dhe çelës për të jetuar jetë të përmbushura.
Ndaj, Ministria e Kulturës Rinise dhe Sportit (MKRS) përmes Departamentit te Trashëgimisë Kulturore ju fton të merrni pjesë në konkursin për Çmimin vjetor për “Diversitet Kulturor të Kosovës”.
Me këtë konkurs ndërdisiplinor MKRS synon të festoj përpjekjet shembullore, të individëve dhe organizatave, për të shfaqur diversitetin kulturor përmes projekteve të veçanta, duke mirëpritur projektet që pozitivisht tregojnë mënyrat e shumëfishta përmes së cilave kulturat e grupeve dhe shoqërive gjejnë shprehje por edhe për mënyrat me të cilat trashëgimia kulturore e njerëzimit ruhet, kultivohet dhe përcillet të gjeneratat e ardhshme.
Përmes këtij konkursi dhe programeve të ngjashme, Ministria e Kulturës, Rinisë dhe Sportit ka për qellim të rrisë ndërgjegjësimin dhe të kuptuarit e diversitetit kulturor në Kosovë./ KultPlus.com
