Në oborrin e Shtëpisë së Bardhë, ndodhet edhe ‘Parku i Presidentit’, ku aty gjendet një kopsht me perime të shumta, që mbillen zakonisht nga Zonjat e para të shtetit Amerikan.
Që nga viti 1800 në oborrin e Shtëpisë së Bardhë, ekziston një kopsht ku mbillen perime. Presidenti i dytë i Shteteve të Bashkuara John Adams dhe zonja e parë Abigail Adams, kishin rritur frutat dhe perimet, për të ushqyer familjen e tyre, në vend që të blinin prodhime në tregun lokal.
Pasi presidenti Adams mbolli kopshtin e parë, më pas edhe ish-presidentët që jetonin dhe që jetojnë në Shtëpinë e Bardhë, vazhduan dhe vazhdojnë të mbjellin kopshtet e tyre.
Familja Obama mbolli një kopsht perimesh 1100 metra katrorë, në lëndinën jugore të Shtëpisë së Bardhë më 20 mars 2009, transmeton Metro.
![](https://gazetametro.net/wp-content/uploads/2022/06/obamagarden.jpg)
Aty ishin mbjellur rreth 55 lloje perimesh dhe frutash për ushqim për familjen Obama dhe për të ftuarit.
Perimet e rritura përfshinin rukolën, koriandër, domate, speca djegës, qepë, spinaq, lakër jeshile, manaferra, shalqi, dhe marule, etj.
![](https://gazetametro.net/wp-content/uploads/2022/06/7099686033_1a26918c20_b.jpg)
Për këtë kopsht janë përgjegjës Zonja e Parë dhe hortikulturuesi i Shtëpisë së Bardhë, si dhe përfshihen edhe një ekip kuzhinierësh e disa nxënës nga një shkollë në Washington.
Aktualisht kopshti në Shtëpinë e Bardhë mbikëqyret nga Zonja e Parë, Jill Biden. Edhe aty ajo ka të mbjellur perime të ndryshme, ku edhe në vitin 2021 i kishte dërguar perime gruas së Presidentit Barack Obama, Michelle. /Metro / KultPlus.com
![](https://gazetametro.net/wp-content/uploads/2022/06/Capture.jpg)
![](https://gazetametro.net/wp-content/uploads/2022/06/obama-white-house-vegetable-garen-early-spring-plants-gardenista.jpg)
![](https://gazetametro.net/wp-content/uploads/2022/06/image.jpg)
![](https://gazetametro.net/wp-content/uploads/2022/06/HT_obama_9_ml_140711_3x2_1600.jpg)