Ndahen çmimet për më të dalluarit në “Pianisti i Ri 2019”

Gara e pianistëve të rinj, e përmbylli maratonën me ndarjen e çmimeve për talentet e dalluar. Në natën finale të edicionit të 12-të të “Pianistit të Ri 2019”, u ndanë 7 çmime kryesore si dhe çmime speciale dhe pjesë e garës ishin gjithsej 19 pjesëmarrës.

Në Amfiteatrin e Bibliotekës Universitare, çmimi kryesor i festivalit “Pianisti i Ri” iu nda Herman Med Cerishës, i cili u shpreh i emocionuar që pati rastin të interpretojë para një publiku shumë të dashur për të, transmeton KTV.

Pianistja Ilayda Karsidag mori çmimin “DAM Recital” dhe “FAHRI BEQIRI” të cilin e ndau vetë kompozitori, ndërsa çmimi “Istanbul ULUCAN” iu nda fitueses së edicionit të kaluar, Kristel Karagjozi.

Organizatorët dhe mbështetësit e Festivalit “Pianisti i ri 2019”, thanë se edicioni i 12-të i garës së pianistëve të rinj u finalizua me sukses.

Çmimi i tretë i “Pianistit të ri” iu dha pianistit Arda Mustafaoglut, ndërsa i dyti shkoi për Idil Simsek, ndërsa çmime speciale u ndanë për Kledi Pepaj, Nikol Tuka, Lisa Sahatçiu, Uras Duzen, Ledian Shala dhe Jon Ahmeti.