Poezi nga poetë hebre që ju shpëtuan kampeve naziste

Poezitë janë shkruar në kampet naziste të përqendrimit, dhe të gjithë poetët u mbijetuan atyre kampeve. Më i riu, vetëm 16 vjeç. Përkthyer nga Mimoza Erebara me dëshirën e saj dhe në bashkëpunim me Mearteka Literary.


Primo Michele Levi

Shema

(Shema- Yll)
E ngrohtë dhe e sigurt na duket
barraka
Ku kthehemi në mbrëmje
E ndezim qirinjtë
Dhe i gëzohemi fytyrave të ëmbla
Dhe ndjehemi vërtetë njerëz
Megjithëse gjithë ditën kemi ecur në baltë
Në rrugën ku Paqja mungon
Veç gishtat tanë të tretur
Shtrëngojnë fort
Një thërrime buke si
Një thërrime jete
Dhe luajmë me jetën e vdekjen
Si kjo grua me foshnjen e saj
Oh! Shema!
Kujtimet e mia arratisen rrëmbyeshëm
Duke lënë pas sy të nxire si mitër të zbrazët
Në këtë acar dimri të ftohtë
Dhe prapë na duket se është mire
Oh, Shema!
Mesazher i fjalës sime për ju jam,
Për zemrën tuaj,
Kur të hapni zemrën,
aty dua të jem
Me gjithë fjalën time
Në shtëpinë që do jetë e juaja,
Në rrugën që ju do ndiqni
Drejt yllit që ju drejton,
Oh, Shema!
Atje ku do kumbojë e qeshura
Dhe ku as shtëpia,
As zemra e copëtuar
As fatkeqësia,
Nuk na bën më të pafuqishëm
Por drejt yllit tonë na drejton.


HAIM GURI

Trashëgimia

Ai u kthye për herë të fundit
Po Abrahami nuk i tha të kthehej
E të dëgjonte përgjigjen
E pyetjes së djalit
Të parit djalë, fuqisë së tij të papritur
Të ditëve në venitje.
Plaku ngriti kokën
Dhe shpresoi që kjo të mos ishte ëndërr
Po engjëlli të kishte qëndruar mbi të
E mbi shkëlqimin e majës së thikës
Në duart e tij
Djali i qetë
Priste rikthimin e babait të tij.
Isaac ,-
Historia tregon,-
Nuk u sakrifikua.
Ai jetoi
Për të na thënë
Kënaqësinë që provoi
Deri kur vështrimi iu mjegullua
Dhe kur lindi
Me thikë në zemrën e vet.


DAN PAGIS

Përsiatje në shtallë njerëzore

***
Këtu, në këtë stallë
Unë jam Eva
Me tim bir Abel
Nëse ju e shihni
Djalin tim të madh
Kain,
Djalin e Adamit
Thuajini atij, këtë!…


MARTIN NEIMOLLER

Para se të ndjehem hebre

Para se të ndjehem hebre
Unë luftoj për vete dhe për të tjerë
Dhe nuk deshmoj, dhe nuk deklaroj asgjë
Para se të ndjehem hebre,
Unë jam hebre!
Këtu na kanë sjellë nga çdo anë
Dhe unë nuk di të flas në çdo gjuhë
Po para se të vijmë nga çdo anë,
Unë jam hebre!
Para se të vijnë të tjerë e të tjerë
Ata erdhën për mua kur s’kishte ngelur asnjë
Po para se të ndodhte kjo, ata kishin dalë nga unë vetë
Që dëshmoj sot për ta dhe për vet./ KultPlus.com