Shkulen bimë nga “TE Pema” në shesh

Projekti “TE Pema” është projekt shumë i rëndësishëm për Prishtinën dhe qytetarët e vet, si inovacion për pastrimin e ajrit, i cili para dy javësh është dëmtuar qëllimisht sistemi i ujitjes, shkruan KultPlus.

Kështu ka shkruar zëdhënësi i komunës së Prishtinës, Adonis Tahiri, sipas të cilit, si komunë kanë qenë të gatshëm ta mbulojmë koston e dëmit, por studentët e kanë rregulluar vullnetarisht duke vazhduar kështu t’i shërbejnë të mirës së përbashkët.

“Duhet përmendur gjithashtu që një nga lulishtet në kryeqytet, ka kontribuuar në rivendosjen e bimëve që janë shkulur. Sot, do të vendosen edhe pjesët tjera që janë dëmtuar e janë vjedhur nga ‘TE Pema’. Bashkë me studentët do të angazhohemi që ‘TE Pema’ të vendoset edhe në 10 lokacione të tjera nëpër Prishtinë”, ka shkruar ai.

Tutje ai ka njoftuar se për mirëmbajtjen e tyre do të kujdeset Komuna si dhe u ka bërë thirrje të gjithë qytetarëve që ta ruajnë pasurinë e përbashkët dhe hapësirën e gjelbër, ashtu që të krijohen kushte për mjedis sa më të pastër e të shëndetshëm. /KultPlus.com