“Rreze” në Salerno Film Festival

Filmi ‘Rreze’ i realizuar sipas një flete të ditarit të famshëm të Rreze Abdullahut e me regji te Lorena Sopit, do të jetë pjesë e garës kryesore në njërin ndër festivalet më prestigjioze të botës, saktësisht në edicionin e 72-të të Salerno Film Festival.

Festivali i Saleronos, i themeluar nga regjisori Vittoria de Sica dhe aktorët Rossano Brazzi e Adriana Benetti, pas festivalit të Venedikut, është festivali më i vjetër në botë.

Salerno Film Festival / Festival del Cinema di Salerno/ në edicionet e veta ka përfshirë të gjithë sektorët e specializuar të filmit, duke tërhequr më shumë se pesëdhjetë vende të botës për çdo vit përmes një rishikimi që synon “procesin integrues” të komunikimit, zhvillimin e gjuhës së filmit, përparimin teknologjik, informacionin dhe debate e punëtori specifike.
Festivali mbahet nga data 26 nëntor deri me 01 dhjetor në Teatro Augusteo dhe Teatro Verdi në Salerno.

Filmi ‘Rreze’ i cili pati premierën në Cannes Film Festival – Short Corner, në muajin maj të këtij viti, deri tani ka qenë pjesë e më shume se dhjetë festivaleve ndërkombëtare dhe ka fituar dy çmime. Filmi më i mirë evropian – në Europa Film Festival në Barcelonë, si dhe Filmi më i mirë i luftës në Festivalin Movie Pro Screen në Los Angeles të SHBA-ve.

Gjatë muajit dhjetor, filmi ‘Ray’ do të shfaqet edhe në World Film Festival i cili mbahen nga data 01 – 30 dhjetor në New South Wales të Australisë, si dhe në Festivalin Best Shorts Competition – La Jolla, USA – ku filmi ‘Rreze’ është i nominuar për çmim në dy kategori kryesore.

Në rolet kryesore janë: Agron Shala, Glorioza Shala, Aurita Agushi. Në rolet tjera paraqiten: Selman Lokaj, Beslidhje Bytyqi, Uran Duli.

Drejtor fotografie – Besnik Hasolli, zëri – Gëzim Rama, kompozitor – Mendi Mengjiqi. Filmi ‘Rreze’ është prodhim i kompanisë AS Film Production nga Prishtina./ KultPlus.com

Filmi “Rreze” i Lorena Sopit triumfoi në Barcelonë

Filmi ‘Rreze’ (Ray) me regji të Lorena Sopit, i realizuar sipas një flete të ditarit të njohur të Rreze Abdullahut, mbrëmë ka fituar çmimin “Filmi më i mirë evropian” (Best Europa Film) në festivalin Europa Film Festival, i cili është mbajtur nga data 24 deri më datën 30 shtator në Barcelonë të Katalonisë, shkruan KultPlus.

Nga një konkurencë prej më shumë se 2700 titujsh, në mesin e 32 filmave të zgjedhur për programin zyrtar, Lorana Sopi ka pasur edhe filmin ‘Përjetësisht Fëmi’ por vetëm filmi ‘Rreze’ (Ray) është nominuar dhe ka fituar çmimin kryesor të festivalit.

Gjatë vitit të luftës 1999, Rreze Avdullahu kishte shkruar Ditarin e Frikës. Në ditëlindjen e nëntë të atij viti të shënjuar, ajo nuk kishte pritur dhurata e as festë. Ajo kishte vetëm një dëshirë: Nuk donte të vdiste. Atë ditë, Rrezja shkon te ushtari serb që bënte roje
dhe i thotë: Unë sot e kam ditëlindjen dhe nuk po due me vdekë! Veç po due me mbetë gjallë… Ushtari nis e qanë. Rrezja befasohet sepse kishte menduar se ushtarët nuk qajnë kurr. Tetëmbëdhjetë vjet më vonë, mbi gërmadhat e së kaluarës, Rrezja shfaqet e dëshpëruar me botën që nuk është bërë më e mirë…

Në rolet kryesore luajnë: Agron Shala, Glorioza Shala, Aurita Agushi. Në rolet tjera paraqiten: Selman Lokaj, Beslidhje Bytyqi dhe Uran Duli. Drejtor fotografie: Besnik Hasolli. Zëri: Gëzim Rama. Kompozitor: Mendi Mengjiqi. Regjisore: Lorena Sopi.

Eshtë ky çmimi i dytë për filmin ‘Rreze’ i cili pas premierës në Cannes Film Festival – Short Corner, në muajin maj, tani ka filluar një rrugëtim të gjatë ndërkombëtar. Gjatë muajit tetor, filmi Rreze (Ray), do të shfaqet në programet zyrtare të disa festivaleve të njohura si: Goa Short Film Festival – Goa, Indi. ASA Humanitarian Film. Festival – Ëeimar, Gjermani. Sose International Film Festival – Yerevan, Armeni. Roma Independent Film Festival – Roma, Itali. International Film Festival Signes de Nuit – Paris, Francë, etj./ KultPlus.com

“Rreze” i Lorena Sopit fiton çmim në Los Angeles

Filmi ‘Rreze’ me regji të Lorena Sopit, i realizuar sipas një flete të ditarit të famshëm të Rreze Abdullahut dhe i cili në muajin maj është shfaqur premierë në Cannes Film Festival – Short Film Corner, si dhe në festivalin e famshëm San Gio Verona Film Festival, mbrëmë ka fituar çmimin Filmi më i mirë i luftës / Best War Drama Film/ në festivalin MovieScreen Pro Film Festival, i cili është mbajtur nga data 11 deri më datën 16 shtator në Los Angeles të SHBA-ve.

Është ky çmimi i parë për filmin ‘Rreze’ të cilin e pret një rrugëtim i gjatë ndërkombëtar. Gjatë këtij muaj dhe gjatë muajit në vijim, filmi “Rreze”, do të shfaqet në programet zyrtare të Goa Short Film Festival – Goa, Indi. ASA Humanitarian Film Festival – Weimar, Gjermani. Corto e a Capo Film Festival – Venticano, Itali. Sose International Film Festival – Yerevan, Armeni. Roma Independent Film Festival – Roma, Itali. Festival Film International Signes de Nuit – Paris, Francë…

Në ditëlindjen e nëntë, gjatë vitit të luftës 1999, Rreze Avdullahu kishte shkruar Ditarin e Frikës. Atë ditë të shënjuar, ajo nuk kishte pritur dhurata e as festë. Ajo kishte vetëm një dëshirë: Nuk donte të vdiste. Atë ditë, Rrezja shkon te ushtari serb që bënte roje dhe i thotë: unë sot e kam ditëlindjen dhe nuk po due me vdekë! Veç po due me mbetë gjallë… Ushtari nis e qanë. Rrezja befasohet sepse kishte kujtuar që ushtarët nuk qajnë kurrë. Tetëmbëdhjetë vjet më vonë, mbi gërmadhat e së kaluarës, Rrezja shfaqet e dëshpruar me botën që nuk është bërë më e mirë…

Filmi ‘Rreze’ është realizuar sipas ditarit të vërtet të Rreze Abdullahut.

Në rolet kryesore: Agron Shala, Glorioza Shala, Aurita Agushi. Në rolet tjera paraqiten: Selman Lokaj, Beslidhje Bytyqi, Uran Duli.

Drejtor fotografie: Besnik Hasolli, zëri: Gëzim Rama, kompozitor: Mendi Mengjiqi./ KultPlus.com

Filmi i Lorena Sopit pjesë e programit Film Short Corner në Cannes

Filmi i shkurtër “Rreze” me skenar dhe regji të Lorena Sopit, i sjellë si adaptim nga Ditari të famshëm i luftës me autore Rreze Abdullahu, është filmi i vetëm shqiptar që këtë vit do të jetë pjesë e programit Film Short Corner në kuadër të festivalit më prestigjioz në botë – Cannes Film Festival.

Festivali i Cannes në Edicionin e 71-të do të mbahet nga data 8 – 19 maj dhe do të hapet me filmin ‘Everybody Knows’ të regjisorit Iranian Asghar Farhadi me Penelope Cruz dhe Javier Bardem në rolet kryesore.

Në programin Short Film Corner, do të shfaqen më shumë se 70 filma nga vende të ndryshme të botës dhe më shumë se 100 filma të përzgjedhur në seksionin e shollave më prestigjioze të filmit. Filmi kosovar Rreze /Ray/, do të shfaqet me datë 17 maj në Palais G në ora 15.

Filmi Rreze, trajton një ditë të vetme të ditarit të mrekullueshëm të Rreze Abdullahut, e cilësuar si Ana Frank e Kosovës. Pikërisht, në ditëlindjen e nëntë, gjatë vitit të luftës 1999, Rreze Avdullahu kishte shkruar Ditarin e Frikës. Atë ditë të shenjuar, ajo nuk kishte pritur dhurata e as festë. Ajo kishte vetëm një dëshirë: Nuk donte të vdiste. Atë ditë, Rrezja shkon te ushtari serb që bënte roje dhe i thotë: unë sot e kam ditëlindjen dhe nuk po due me vdekë! Veç po due me mbetë gjallë… Ushtari nis e qan. Rrezja befasohet sepse kishte kujtuar se ushtarët nuk qajnë. Tetëmbëdhjetë vjet më vonë, mbi gërmadhat e së kaluarës, Rrezja shfaqet e dëshpruar me botën që nuk është bërë më e mirë…

Filmi prej 12,30 minutash me titull ‘Rreze’ /Ray/ është prodhuar nga AS Film Production nga Prishtina. Filmin Rreze, gjatë muajve në vijim, e presin edhe shumë evnte tjera të rëndësishme.

Në rolet kryesore paraqiten Agron Shala, Glorioza Shala dhe Aurita Agushi. Në rolet e tjera vijnë Beslidhje Bytyqi, Selman Lokaj, Uran Duli, etj. Drejtor i fotografisë është Besnik Hasolli, mjeshtër zëri Gëzim Rama, skenograf Uran Duli, kompozitor Mendi Mengjiqi dhe producent Agim Sopi.

Lorena Sopi, është studente e regjisë dhe produksionit në Toronto Film School, njërën ndër shkollat më prestigjioze të botës. Deri më tani ka realizuar disa filma të shkurtër. Filmat e saj ‘Mona’, ‘Më e bukur se pranvera’ dhe ‘Përjetësisht Fëmi’, kanë qenë pjesë e më shumë se 50 festivaleve ndërkombëtare dhe kanë fituar më shumë se 20 çmime kinematografike./ KultPlus.com