Etiketë: spider man

‘Spiderman: No Way Home’ arkëton 1 miliardë dollarë

Posted on by Kult Plus

‘Spider-Man: No Way Home” është bërë filmi i parë gjatë pandemisë që arrin një miliard dollarë në “box office’’.

“Epika e librit komik të Sony-it ka eklipsuar atë moment historik në gati rekord prej 12 ditëve, duke u lidhur me “Star Wars: Force Awakens” të vitit 2015 si filmi i tretë më shpejtë që arriti miliard dollarë”, raportoi të dielën revista argëtuese amerikane “Variety”.

Kjo vjen në një kohë kur vendet po marrin masa për të frenuar përhapjen e variantit të koronavirusit shumë të transmetueshëm dhe duke kufizuar eventet me dyer të mbyllura.

Filmi blockbuster, në të cilin rolin kryesor e luani Tom Holland, 25-vjeçar, është “i vetmi film që nga “Star Wars: The Rise of Skywalker” i vitit 2019 që tejkalon 1 miliard dollarë globalisht”, theksoi revista.

“Asnjë film tjetër i Hollivudit nuk u është afruar këtyre të ardhurave në dy vitet e fundit”, shtoi ajo.

Vazhdimi është drejtuar nga Jon Watts dhe luajnë Holland, Benedict Cumberbatch dhe Zendaya.

Filmi u shfaq në kinematë turke më 17 dhjetor dhe është parë nga 1,3 milion njerëz deri më tani, sipas Box Office të Turqisë./KultPlus.com

Mbërrin paralajmërimi për Spider-Manin e ri dhe nuk është për të gjithë

Posted on by KultPlus

Ka mbërritur trileri për Spider-Manin e ri (Spider-Man: Far From Home) me Tom Holland në rolin kryesor dhe ky triler nuk është për të gjithë, këtë paralajmërim do ta dëgjoni qysh në fillim të videos.

Të gjithë ata që nuk i kanë parë Avengersat e rinj nuk duhet ta shikojnë trilerin pasi që ai do t’ju zbulojë detaje të rëndësishme nga Endgame. Përveç nëse ju pëlqejnë spoilerët. Vazhdimi i këtij artikulli gjithashtu sjell spoilerë!

“Kudo që shkoj e shoh fytyrën e tij. Më mungon shumë”, thotë Parker në triler për Tony Stark. “Mendoj se Tony nuk do ta bënte atë që e bëri po të mos e dinte se si do të ishe këtu kur ai të largohej”, thotë Harry Hogan (Jon Favreau), shkruan KOHA Ditore.

“Spider-Man: Far From Home” vazhdon në ngjarjet nga “Endgame”. Peter Parker kthehet në New York dhe e ndihmon policinë që ta pastrojë rrëmujën, dhe pastaj e merr një pushim nga puna e Spider-Manit dhe shkon në një ekskursion shkollor në Evropë, ku e vetmja gjë që do është të shoqërohet me simpatinë e tij M.J. (Zendaya) dhe mikun e tij Ned (Jacob Batalon). Por kjo nuk zgjat shumë: atë e thërret Nick Fury (Samuel L. Jackson) sepse është shfaqur Quentin Beck apo Mysterio (Jake Gyllenhaal), i cili është nga Toka, por jo nga Toka jonë …

Image

Jon Wats e bën regjinë e vazhdimit të Spider-Man, i cili vazhdon nga filmi i parë “Spider-Man: Homecoming” nga viti 2017 (i cili i fitoi pak më shumë se 880 milionë dollarë në mbarë botën). “Far From Home” është filmi i 23-të në Marvel Cinematic Universe dhe i fundit i fazës së tretë të Marvelit (Phase Three).

Filmi në kinema do të shfaqet nga 4 korriku.