Kryeministri i Greqisë ka kërkuar falje për dështimin në trajtimin e zjarreve në të gjithë vendin.
Qindra zjarrfikës po luftojnë me zjarret e mëdha që kanë detyruar mijëra njerëz të largohen nga shtëpitë e tyre dhe kanë shkatërruar dhjetëra prona.
“Ne mund të kemi bërë atë që ishte e mundur nga ana njerëzore, por në shumë raste nuk ishte e mjaftueshme,” tha Kyriakos Mitsotakis, transmeton KultPlus.
Tymi i dendur ende po derdhet nga ishulli Evia, në verilindje të Athinës, i cili është ndezur para njw jave.
Dhjetëra shtëpi dhe hektarë pyje janë djegur tashmë në Evia, në periferi të kryeqytetit dhe në pjesë të tjera të Greqisë.
Qindra banorë janë urdhëruar të largohen nga ishulli për t’i shpëtuar zjarreve, megjithëse disa ishin të vendosur të qëndronin për të mbrojtur pronat e tyre.
“Unë e kuptoj plotësisht dhimbjen e bashkëqytetarëve tanë që panë shtëpitë ose pronën e tyre të digjeshin,” tha Kryeministri Mitsotakis në një fjalim televiziv.
Por ai tha se vendi “po përballet me një fatkeqësi natyrore të përmasave të pashembullt”.
Zemërimi i publikut është rritur me vonesat dhe prishjet në përgjigjen e qeverisë, duke përfshirë një mungesë të dukshme të avionëve që lëshojnë ujë.
Mitsokasis tha se “çdo dështim do të identifikohet”, por këmbënguli se zjarrfikësit ishin në një betejë me “fuqitë e mbinatyrshme që shpesh tejkalojnë forcën e tyre”./KultPlus.com
