Baleti Kombëtar i Kosovës prezantohet me dy shfaqje në ‘Mozart Festival’ në Bullgari

12 Korrik, 2017 - 11:44 am

Baleti Kombëtar i Kosovës do të prezantohet me dy shfaqje brenda një nate në edicionin e 13-të të “Mozart Festival” që mbahet në Pravets, Bullgari,shkruan KultPlus.

Shfaqja “Xhuljeta pa Romeon” me koreografi nga Darrel Toulon dhe shfaqja “Dasma” me koreografi nga Mehmet Balkan, do të shkrihen në skenën e këtij festivali në Bullgari më datë 15 korrik duke filluar në ora 20:30.

Në rolet kryesore të shfaqjes “Xhuljeta pa Romeon” luajnë balerinët: Teuta Krasniqi, Fatmir Smani, Muhamet Bikliqi, Sead Vuniqi, Leonora Rexhepi, Vjollca Llugiqi por jo më pak të rëndësishëm janë edhe balerinët e tjerë.

Shfaqja “Dasma” është një bashkëpunim shqiptaro-turk. Koreografi i saj është Mehmet Balkan, një nga koreografët më të njohur në Europë. “Dasma” është bashkëpunimi i tij i dytë me trupën e baletit të Kosovës. / KultPlus.com

Të fundit

Të ngjajshme