займ на карту кредит банк

Historia e Verterit dërgon teatrin ‘Adriana’ në Gjermani

Janar 10, 2019 - 7:00 pm

Loading...

Trupa e Teatri Adriana e fillon vitin 2019 me shfaqjen “Verteri”e cila do të jepet në Gjermani, shkruan KultPlus.com

Me tekst të Johann Wolfgang Goethe dhe regji të Stefan Schletter shfaqja do të jepet më 19 janar nga ora 19:30, në teatrin Pfalzbau në Ludwigshafen. Shfaqja realizohet si bashkëpunim teatror i teatrit “Adriana” nga Ferizaj, Qendrës Multimedia nga Prishtina dhe teatrit Pfalzbaubühnen nga Ludwigshafen. Në këtë shfaqje luajnë aktorët: Jajush Ramadani, Milot Salihu e Edona Berisha- Bekteshi.

“Sa i lumtur jam që nuk jam më”- kështu fillon novella e Johann Goethe-s “Vuajtjet e Djaloshit Verter”.
Edhe pse e shkruar në shekullin e 18-të nga Goethe, historia që tregohet aty, edhe sot reflekton nevojën themelore të çdo gjenerate të re për t’u çliruar.

Verteri udhëhiqet nga pasioni për liri absolute. Ai e jeton jetën pa ndonjë barrë apo ndonjë obligim për të kaluarën dhe vlerat tradicionale. Ai ndjek emocionet e tij, dhe në takim të pare bie në dashuri me Loten. Lote, një vajzë e re dhe e bukur që kujdeset për vëllezërit e motrat e saj pas vdekjes së nënës së tyre, është e fejuar me Albertin, një njeri i durueshëm dhe shumë i respektueshëm. Përkundër të gjitha pengesave dhe arsyeve, Verteri ndjek rrugën e dashurisë ndaj Lotes, gjithnjë deri sa nuk gjen një fund tragjik.

Për bileta dhe informata klikoni në linkun e mëposhtëm./ KultPlus.com

https://www.theater-im-pfalzbau.de/programm/schauspiel/?eventUid=3425&fbclid=IwAR0QiMGYfEZWxhNgLCJNXK-IO8N9p-Whv2fZIRIeQhiwFm_Za9uF-fDN3no

Të fundit

Loading...
Loading...

Të ngjajshme