Shfaqja “Kaligula” me regji të Kushtrim Koliqit do të jetë pjesë e Festivalit Mbarëkombëtar të Teatrit në Tiranë.

Shfaqja vjen me datë 24 shtator në kuadër të këtij festivali që këtë vit është një prej ngjarjeve kryesore të teatrit në Shqipëri.

Melihate Qena, Ard Islami, Adrian Morina, Gresa Pallaska, Shkelzen Veseli, Ylber Bardhi, Besart Sllamniku, Armend Baloku dhe Allmir Suhodolli janë pjesë e shfaqjes e cila konsiderohet si drama më e fuqishme e Kamysë e cila në qendër të saj ka Perandorin romak që udhëhoqi Romën e që njihet në histori për çmenduritë dhe mizoritë e tij.

Në Festivalin Mbarëkombëtar të Teatrit, i cili fillon nesër mbrëma, do të vijnë shfaqje të ndyshme nga teatro të ndryshme shqiptare, nga Fieri, Shkodra, Tirana, Prishtina, Elbasani e qytete tjera.
“Kaligula” do të shfaqet me 24 shtator, në ora 18:00 në Sallën e Universitetit të Arteve, shkruan KultPlus.

Me datë 28 shtator në festival vjen edhe shfaqja “Ata që ikin”, nga Teatri “Bekim Fehmiu” në Prizren. “Ata që ikin” vjen me regji nga Kushtrim Bekteshi.

Në kastën e aktorëve të kësaj shfaqje bëjnë pjesë gjithsej 12 aktorë: Xhevdet Doda, Donikë Ahmeti (aktore mysafire), Ernest Malazogu, Fetah Paçarizi, Alban Krasniqi, Zanë Duraku, Hajat Toçilla, Edona Sopaj, Alban Morina, Rifat Smani, Alban Çela si dhe Afrim Kasapolli.

Drama trajton fatet e njerëzve që ikin, qoftë nga e kaluara, nga dashuria, nga tmerri i përditshmërisë, nga realiteti që ua zë frymën, nga vetvetja; me shpresë se një ditë do të ndjehen të plotësuar dhe të lumtur.

Poshtë e gjeni në tërësi programin e këtij edicioni, që përfundon me 30 shtator. / KultPlus.com