TKOB premton që festimet nuk do të përfundojnë me mbylljen e sezonit të festave. Ato do të vijojnë në vitin e 70-të të TKOB-së, duke çelur siparin e Kalendarit Artistik 2024, me një muaj të pasur me evente. I pari prej tyre do të jetë koncerti simfonik me muzikë shqiptare, “Simfonitë e Shpirtit”, të kompozitorëve të mirënjohur, Feim Ibrahimi dhe Aleksandër Peçit. Ky koncert do të vijë më 13 janar.

Më pas vijon koncerti i  Ansamblit të Këngëve dhe Valleve Popullore i titulluar “Jehona tonë”. Më 20 dhe 21 janar TKOB sjell kompozimet e grupit legjendar “Queen”, që ndryshuan historinë e muzikës botërore, interpretuar nga Orkestra Simfonike e TKOB-së.

Ndërsa fundin e muajit, do ta presim nën tingujt e pianos së të madhit Stefano Bollani, në një koncert vokalo-simfonik./atsh/KultPlus.com