Një dasmë shqiptare në Pallatin Schönborn Batthyany të Vjenës (FOTO/VIDEO)

28 Maj, 2018 - 11:01 pm

Dasmat shqiptare shumë shpesh janë bërë pjesë edhe e medieve të huaja, të cilat kanë vënë në theks shpenzimet marramendëse të nikoqirëve, numrit të madh të mysafirëve, muzikës së lartë dhe pa shije dhe të shumë elementeve që tashmë e shumë vite janë duke i shoqëruar këto gazmende familjare, që janë shndërruar në një rrëmujë të vërtetë, shkruan KultPlus.

Mirëpo, artistja shqiptare Flaka Goranci ka zgjedhur një mënyrë tjetër për dasmën e saj, e cila ka zgjedhur një ndër pallatet më të vjetra të Vjenës.

KultPlus mëson se kjo dasmë është organizuar në Palais Schönborn Batthyany të Vjenës, pallat që është i stilit barok dhe është ndërtuar në vitin 1699 mu në qendër të Vjenës.

Në këtë dasmë që nga të sapomartuarit është vallëzuar Valsi Vjenez dhe Napoloni, ka pasë edhe elemente që kanë ardhur si një gërshetim i dasmës vjeneze dhe asaj shqiptare.

Në këtë dasmë, ishin të pranishëm artistë shqiptarë dhe austriak, por edhe të nacionalitetve, sikurse që ishte i pranishëm si mysfair nderi, ambasadori i Shqipërisë në Austri, Roland Bimo./KultPlus.com

Të fundit

Të ngjajshme