Përmes shfaqjes “Në prag të thyerjes” publiku kaloi nga bota e vetëdijshme në një portal shpirtëror dhe hyjnor

18 Qershor, 2022 - 10:00 pm

Uranik Emini

Sikurse ‘Aventurat e Lizës në Botën e Çudirave’, ku përmes hyrjes në shpella, tunele, spirale dhe pasqyra të ndryshme mund të transportoheshin njerëzit në botë të çuditshme ku çdo gjë është e mundur, edhe në shfaqjen “Në prag të thyerjes”, shikuesit u futën në një portal ku kaluan nga bota e vetëdijshme dhe fizike, në një realitet tjetër shpirëtor dhe hyjnor, shkruan KultPlus.

Besimi, dashuria dhe fati, si pjesë kryesore të jetës, të përmbledhura nga Dekadenca dhe Makriza de Sad, sipërfaqën të qeshura të shumta te publiku, i cili ishte mbledhur në masë për të parë nga afër dhe në të njëjtën kohë për të shijuar performancat “Në prag të thyerjes” dhe “Nata e Divave” nga Serbia, në kuadër të FemArt, i cili shënon edicionin e 10-të këtë vit me moton nga ‘Revolucioni në Evolucion”.

Në shfaqjen “Në prag të thyerjes”, realiteti ynë i përditshëm u shfaq edhe përmes spiritualitetit, besimit, dashurisë dhe reklamës, të cilat janë bërë pjesë e pandashme e secilit prej nesh.

Pas shfaqjes, Markiza de Sad, tha për KultPlus se nuk jeton në Serbi, por vjen nga bota e largët për të performuar në Kosovë.

Jeta mes udhëtimeve

“Unë nuk jam nga Serbia, por kam ardhur nga bota e largët, nuk jetoj në Serbi por jam vetëm për një kohë të shkurtër aty. Unë bëj punë korrespodente dhe më pëlqen të kaloj kohën duke ndjerë energjinë time aty. Por, Kosova është shumë e mirë dhe po na trajton në mënyrën më të mirë të mundshme, prandaj jam e lumtur për mundësinë që më është dhënë këtu”.

E pyetur se sa e kënaqur ishte me publikun, Markiza tregon se kishin pak frikë se çfarë do të thoshte publiku përpara performancës së tyre. “Ne kishim frikë fillimisht, por në fund u ndamë shumë të kënaqur. Unë do të vijë sa herë që të më ftojnë të performoj në Kosovë, ndoshta edhe Presidentja mund të më jap një unazë të veçantë.

Interpretimi i dy roleve brenda 15 minutave

Decadence u përgjigj se kjo vjen nga përvoja e madhe. “Kemi kohë që punojmë bashkë, mund të bëjmë shfaqje dhe shumë gjëra të tjera tw punws profesionale ë mes të natës. Unë kam qenë në të kaluarën në një bashkëpunim me FemArt, por sot ishte një kënaqësi e pastër”, deklaroi ajo për KultPlus.

Ajo shpjegon se ndryshimi midis dy roleve të saj është se personazhi i saj qëndron i njëjtë, por ato janë padyshim dy shfaqje të ndryshme. E para ka të bëjë me epokën shpirtërore bashkëkohore dhe të re dhe e përbërë nga gjëra të tjera. E dyta ka të bëjë me një bashkëpunim që ju bën të relaksoheni, të çlodheni dhe të argëtoheni me muzikë.

“Unë kam folur shumë për spiritualitetin dhe sigurisht nga ky këndvështrim ironik vendosëm të trajtojmë shumë gjëra që janë në jetën tonë të përditshme”, shpjegon ajo, duke treguar edhe rolin e saj në këtë shfaqje.

“Nata e Divave”

Nën tingujt e muzikës, Lady K dhe Decadence, u shfaqën dikur copa magjie, për t’i dhënë mbrëmjes hijeshinë e duhur dhe për ta mbyllur me spektaklin sa më të madh. Gjatë kësaj shfaqje, një vajzë e quajtur Lorika iu bashkua skenës për të treguar se pikërisht interaktiviteti i bëri këto dy netë më interesante.

Lady K, e cila performoi në piano gjatë shfaqjes së dytë me titull “Nata e Divave”, në të cilën argëtimi u ndërthuren mes veti me muzikën dhe sipërfaqën atë që njerëzit dëshirojnë shumë në çdo moment, pra, përjetimin e kënaqësisë përmes kërcimit me muzikë.

“Energji shumë e mirë, njerëz shumë të mirë dhe kudo ku performojmë është gjithmonë kënaqësi. Për mua është hera e parë që performoj këtu dhe patjetër që dua të vij edhe herë të tjera për të performuar këtu me këta njerëz siç ishin sonte. Ishte një kënaqësi e jashtëzakonshme”, thotë ajo për KultPlus.

Ajo shton se të rinjtë po tregojnë shpirtin e tyre kulturor dhe po mblidhen për të shijuar këto ngjarje.

“Festivale të tilla të mbushura me të rinj tregojnë se kjo lloj kulture po përparon gjithnjë e më shumë nga e gjithë bota dhe veçanërisht në Ballkan”.

Sa i përket muzikës, Lady K thotë se është muzikë që ata e dëgjojnë privatisht dhe e zgjedhin. Nuk është vetëm se ulemi dhe këndojmë, por ushtrohemi gjatë gjithë kohës dhe sigurisht kënaqemi me atë që bëmë atë natë. Nuk ka koncert të mirë pa energji “ping-pong” mes publikut dhe interpretuesit.

Të dyja u shprehën shumë të lumtura me publikun dhe sigurisht dhanë përpjekjet e tyre më të mëdha në skenë dhe dashurinë më autentike.

Ndërkaq, këtu mund të shihni orarin e plotë për ditët e tjera të festivalit “FemArt”. /KultPlus.com

Fotografitë: Rilind Beqa

Të fundit

Të ngjajshme