Regjisori Serebrennikov: Në Rusi mungon liria

7 Maj, 2022 - 1:00 pm

Regjisori më i famshëm rus i momentit, Kirill Serebrennikov nuk e di se kur do të kthehet në atdheun e tij.

“Për momentin unë jam duke punuar këtu në Evropë, sepse në Moskë nuk është e mundur për shkak të luftës”, tha Serebrennikov përmes një lidhjeje video nga Amsterdami, ku ai është duke punuar për një opera të re.

“Por, nuk do të thoja kurrë përgjithmonë. Jam i sigurt se një ditë do të kthehem në Rusi”, tha 52-vjeçari.

”Për momentin, nuk është e mundur të shikosh shfaqje teatrale kritike në Rusi. Nuk ka liri. Dhe nëse nuk ka liri, nuk mund të thuash asgjë”, theksoi ai.

Regjisori i teatrit, operës dhe filmit u ndalua në vitin 2017 dhe u vendos në arrest shtëpiak.

Në një gjyq të diskutueshëm për keqpërdorim të supozuar të fondeve në vitin 2020, gjyqësori rus e dënoi atë me një dënim prej tre vjetësh me kusht.

Në janar, Serebrennikov u lejua çuditërisht të udhëtonte në Hamburg për prova.

Prodhimi i tij nga vepra e Anton Çehovit, “Murgu i Zi” hap festivalin e teatrit në Avignon, në Francë, korrikun e kaluar.

Në Festivalin e Kanës në maj do të shfaqet në konkurrim edhe filmi i tij “Gruaja e Çajkovskit”./atsh/ KultPlus.com

Të fundit

Të ngjajshme