Teatri ‘Adriana Abdullahu’ bëhet me Këshill Drejtues

26 Korrik, 2018 - 9:01 am

Bazuar në Ligjin për Teatrot, si dhe kërkesën e komunitetit të aktorëve dhe menaxhmentit të Teatrit Profesionist “Adriana Abdullahu” në Ferizaj, Agim Aliu, Kryetari i Komunës së Ferizajt, ka marr vendim për themelimin e Këshillit Drejtues të Teatrit “Adriana Abdullahu” në Ferizaj

Këshilli do të jetë në këtë përbërje:

1. Nexhat Xhokli;
2. Dije Demiri – Frangu;
3. Albion Sherifi – Përfaqësues nga komuna;
4. Mevlan Saraçi;
5. Besim Ugzmajli.

Sipas kumtesës për media, në kuadër të politikave kulturore, thuhet se Aliu në prioritetet qeverisëse ka edhe rregullimin e statusit ligjor si dhe propozimin e dokumentacionit përkatës për menaxhimin më efikas me institucionet e kulturës si dhe mbështetjen e shtuar për aktivitetet identitare kulturore që organizohen në komunën tonë.

Këshilli Drejtues i Teatrit Profesionist “Adriana Abdullahu” po themelohet për herë të parë me kompetencën e mbikëqyrjes së punës së teatrit, hartimin e statutit të teatrit, aprovimin e politikave afatgjata të zhvillimit të teatrit, politikën artistike dhe kompetenca të tjera të parapara sipas ligjit në fuqi për teatrot.

Ky këshill ka mandat 4 vjeçar dhe parashihet të themelohet në kuadër të organizim të brendshëm të institucionit të Teatrit. / KultPlus.com

Të fundit

Të ngjajshme