Arkeologët sllovakë zbulojnë thesarin prej 500 monedhash të argjendta

6 Prill, 2020 - 12:34 pm

Arkeologët sllovakë kanë zbuluar një thesar me 500 monedha të argjendta që datojnë qysh nga viti 1702. Ishin të fshehura nën një dysheme të kishës. Zbulimi i rëndësishëm historik u bë pasi punëtorët e ndërtimit zbuluan rrënojat e një kishe të epokës së renesancës nën kishën e shekullit XIX që po rinovonin.

Ndërmarrja arkeologjike “Triglav” shkoi për të hetuar pasi që punëtorët e ndërtimit ranë në themelet e vjetra në kishën “Shën Martina” në Obishovce, në afërsi të qytetit Koshice në Sllovaki.

Ekspertët bënë zbulimin e paparë të thesarit në shkurt. Monedhat ishin të fshehura në një enë qeramike pa përshkrime që ishte fshehur nën një grumbull gurësh nën dyshemenë origjinale të kishës. Qypi ishte mbyllur po ashtu me një gur.

Shumica e monedhave u grumbulluan nga kompanitë e minierave lokale, dhe më e hershmja është vulosur më 1702, kur Sllovakia qeverisej nga Hungaria si pjesë e Perandorisë së Habsburgëve.

Disa ishin nga Polonia. Monedhat e argjendta ishin të mbështjella veçmas në një linjë dhe me gjasë u mblodhën si donacione nga pelegrinët.

Arkeologu Peter Shimqík, i cili ishte pjesë e ekipit punues, nuk ishte në gjendje të vlerësonte vlerën e gjetjes për shtypin vendor, por ka thënë që vlera e tij historike ishte “e jashtëzakonshme”. Pullat e minierave ishin një monedhë vendëse me vlerë të ulët që tregtohej për mallrat themelore, por Shimqík shpjegoi se minatorët gjithashtu shpesh i përdornin ato për bamirësi. / KultPlus.com

Të fundit

Të ngjajshme