Feride Rushiti e merr çmimin nga Zonja e Parë, Melania Trump (VIDEO)

23 Mars, 2018 - 7:41 pm

Melania Trump – Zonja e parë e Amerikës, sot i ka dhënë çmimin “Grua e guximshme” shqiptares Feride Rushiti.

Në një ceremoni janë nderuar dhjetë gratë që këtë vit janë laureate të çmimit të madh i cili nderon fuqinë e gruas dhe ndryshmin që ajo ka bërë në aspekte të ndryshme të shoqërisë.

Feridja është drejtoreshë e Qendrës Kosovare për Rehabilitimin e Viktimave të Dhunës. Një doktoreshë, ajo në vitin 1999 gjatë konfliktit dhe luftës në Kosovë ndihmoi në shërimin e civilëve të lënduar.

Mbi të gjitha, angazhimi i saj kryesor ka qenë dhe mbetet ai me gratë e dhunuara gjatë luftës së fundit në Kosovë, një kauzë në të cilën Feride Rushiti ka dhënë maksimumin e angazhimit të saj në këto dy dekada. / KultPlus.com

Të ngjajshme