Misioni shqiptaro-gjerman zbulon një vendbanim antik në Divjakë

22 Shtator, 2018 - 7:00 pm

Një vendbanim antik që lulëzoi mes shekujve 6-3 para Lindjes së Krishtit po del në dritë në kodrën e Babunjës në Divjakë. Një mision shqiptaro-gjerman ka nxjerrë në dritë muret fortifikuese, banesa e rrugë, ndërsa po studion arsyet e braktisjes së menjëhershme të vendbanimit.

Rrënojat e një vendbanimi të lashtë po dalin në dritë në Babunjë të Divjakës. Arkeologë shqiptarë e gjermanë që po punojnë aty prej disa javësh kanë zbuluar në rreth 3 metra thellësi pjesë mureve fortifikuese , banesa e rrugë.

Projekti arkeologjik shqiptaro-gjerman për gërmime në vendbanimin antik të Babunjës (Bashkia Divjakë) është një bashkëpunim mes Institutit Arkeologjik Tiranë dhe Freier University Berlin.

Qëllimi i këtij projekti është zbulimi i vendbanimit antik që gjendej në kodrën e Babunjës, datimi dhe njohja e evolucionit që ka pasur ky qytet antik. Aktualisht janë kryer gërmime ne murin rrethues dhe në një pjesë të qytetit.

Gjetjet e deritanishme dëshmojnë rëndësine që ka pasur ky qytet i fortifikuar në hapësirën që shtrihej mes Apollonisë dhe Durrësit, si dy qendrat më të mëdha urbane të zonës./a.a/j.p/a.t.a/ KultPlus.com

Të fundit

Të ngjajshme