Vatikani ka shpallur Nënë Terezën si mbrojtëse të peshkopatës së Kalkutës, me anë të një meshe në këtë qytet në Indi, në të cilin ajo tërë jetën ja kushtoi të varfërve dhe të sëmurëve.

Me anë të një meshe që u zhvillua në peshkopatën e Kalkutës, nën kryesimin e ambasadorit të Vatikanit në Indi, Gjambatista Dikvarto, Selia e shenjtë ka shpallur Nënë Terezën edhe zyrtarisht mbrojtëse të Kalkutës, pasi që gjithë jetën e saj ja kushtoi të varfërve dhe të sëmurëve në këtë qytet në Indi.

Papa Françesku në fillim të shtatorit të vitit 2016 e shpalli të shenjtë Anjezë Gonxhe Bojaxhiun, të njohur si Nënë Tereza.

Rreth 500 persona morën pjesë në meshën që u organizua në Katedralen e Kalkutës, nën kryesimin e ambasadorit të Vatikanit në Indi, Gjambatista Dikvarto. Të krishterët në Kalkutë shprehën kënaqësi të madhe për shkak të vendimit të Vatikanit për të shpallur Nënë Terezën si mbrojtëse të qytetit.

Nënë Tereza lindi në Shkup më 26 gusht të vitit 1929, në një familje shqiptare, ndërsa në vitin 1929 udhëtoi për në Indi, ky themeloi rregullin “Misionarët e dashurisë ndaj më të afërmit tënd”. Ajo tërë jetën e saj ja kushtoi të varfërve dhe të sëmurëve në lagjet më të varfra të Kalkutës, për të cilin angazhim ajo në vitin 1979 u nderua me Çmimin Nobel për Paqe. / KultPlus.com