Rexhep Hoti priti në takim disa përfaqësues të kulturës nga Komuna e Bujanocit

4 Maj, 2018 - 5:47 pm

Sot zëvendësministri i Kulturës, Rinisë dhe Sportit, Rexhep Hoti, priti në takim drejtorin e Shtëpisë së Kulturës në Bujanoc, Jetmir Ismaili, i shoqëruar nga koordinatori i Shtëpisë së Kulturës, Nevzad Lutfiu.

Në takim u diskutua rreth përkrahjes dhe mbështetjes për artistët e rinj nga Kosova Lindore, e sidomos në promovimin e vlerave artistike për komunitetin shqiptar në këtë komunë.

Përfaqësuesit nga Bujanoci kërkuan nga institucionet kosovare, gjegjësisht nga Ministria e Kulturës, që të mbështesë aktivitetet kulturore, si dhe të rritet bashkëpunimi në fushën e kulturës.

Në fund, u kërkua që Komuna e Bujanocit të vizitohet nga krerët e institucionit të MKRS-së dhe të rritet kontakti e komunikimi nga Kosova me këtë komunë. / KultPlus.com

Të fundit

Të ngjajshme