Të jetoni si Nënë Tereza, pesë virtytet për të qenë njeri më i mirë

7 Gusht, 2017 - 12:29 pm

Të gjithë e kemi përdorur ndonjëherë ose kemi pasur rastin ta dëgjojmë pyetjen e njohur retorike ‘Kush jam unë, Nënë Tereza?’. Duket se kjo pyetje e cila vetë të jep edhe përgjigjen është me shumë vend, sepse nuk mund të jemi të gjithë si kjo grua, e cila qysh në moshë të re dha shumë nga vetja.
Kur të gjitha vajzat e vogla ishin duke luajtur me kukulla dhe duke luajtur lojëra ashtu siç luajnë të gjithë fëmijët, Nënë Tereza, e njohur edhe si Tereza e Kalkutës, ishte duke ndihmuar të varfrit. Ëndrra e saj u realizua, kur ajo në moshën 18 vjeçe pasi u pranua në institucionin ‘Sisters of Loreto of Ireland’. Më pas Nëna Terezë shërbeu në Indi dhe krijoi spitale, kuzhina dhe në vitin 1950 themeloi kishën katolike, ‘Missionaries of Charity’.

Puna e saj humanitare mbetet e pashembullt dhe sakrifica e saj mbetet një model i diçkaje që ne të gjithë duhet t’i kushtojmë vëmendje. ‘Kemi frikë nga e ardhmja, sepse po humbim të sotmen. A po humbisni sot kohën nga frika?, shkruante ajo. Mësoni nga Nënë Tereza se si të jetoni më mirë jetën tuaj. Kjo është lista e pesë virtyteve me anë të të cilave Nënë Tereza e jetoi jetën e saj dhe kësisoj ndihmoi njerëz në mbarë botën.

Shërbejini të tjerëve
‘E shihni dikë duke vdekur? Ndihmoji. E shihni dikë të uritur? Jepni ushqim. Edhe ai mund të japë dhe të marrë dashuri. Mos e shikoni racën e tij, as fenë e asgjë tjetër. Ndihmojeni. Nëna Terezë ka thënë: ‘Çdo person, nëse ai është hindu, mysliman ose budist, ai është vëllai im, motra ime’.
Të qenit i sjellshëm nuk do të thotë të jetë detyrë, por mund të jetë diçka që ju zgjidhni të bëni çdo ditë. Çështja është të dalësh nga kutia jote e vogël dhe ndërkohë që ti ndihmon të tjerët, do të ushqesh edhe shpirtin tënd.

Jetoni në të tashmen
‘E ardhmja është aq shumë në duart e Zotit, unë e shoh shumë më lehtë ta pranoj të tashmen, sepse e djeshmja ka shkuar dhe e ardhmja nuk ka ardhur ende’, tha Nënë Tereza. Për shembull, mund të hiqni të gjitha gjërat që lidhen me të kaluarën tuaj, sepse kjo mund të ndikojë në mënyrën se si jetoni tani. Nëse keni vetëm 5 minuta kohë për të pirë një kafe në mëngjes, bëjeni atë. Gëzojnë çdo moment të cilin jeni duke e jetuar. Shko jashtë për ajër të pastër, ose shkoni për një shëtitje me miqtë apo familjen. Të jetosh në të tashmen është sikur të jetosh në pushim dhe pa presion. Nëse ne çdoherë brengosemi për të nesërmen, e humbim vlerën e të sotmes.

Jini mirënjohës
Nënë Tereza me misionet e saj, ka udhëtuar shumë dhe asnjëherë nuk lejoi të hidhej ushqimi I tepruar në aeroplanin me të cilin ajo udhëtonte. “Ka shumë njerëz që mund të bëjnë gjëra të mëdha, por ka shumë pak njerëz që do të bëjnë gjëra të vogla. Mënyra më e mirë për të treguar mirënjohjen tonë ndaj
Perëndisë dhe njerëzve është të pranojmë gjithçka me gëzim, ka thënë ajo.

Mother Teresa

Lini gjurmë
Kërkoni Perëndinë, aty ku ai ju do juve. Ndoshta është koha t’i ndihmoni më shumë njerëzve, pyeteni Zotin se si duhet ta bëni këtë. Nënë Tereza ka punuar në lagjet e varfra dhe ka dashur që njerëzit të pranojnë të varfrit në shoqëri. Ajo e bëri këtë në emër të Perëndisë, kështu mund ta bëni edhe ju.

Qëndroni të fokusuar
Shumë prej nesh ndihen sikur kanë humbur brenda jetës së tyre dhe ndihen se nuk kanë shpresë. Nënë Tereza ka kaluar nëpër sfida, por ka punuar shumë për të mbajtur vëmendjen e saj të përqendruar në thirrjen e saj, dhe në Perëndinë. Nëse edhe ne ndihemi të humbur në jetën tonë, mund të bëjmë si Nëna Terezë.

Rëndësia e Nënë Terezës mbetet e fortë sot dhe ne mund ta rimarrim frymën e saj pas kaq shumë vitesh dhe ta përdorim atë në botën tonë. / KultPlus.com

Të fundit

Të ngjajshme