Zoja Cërnagore ose Zoja e Zezë e Letnicës

10 Shkurt, 2018 - 7:32 pm

Në kishën katolike e Të Ngriturit të Zojës me korp e me shpirt në Qiell në Letnicë të Vitisë gjendet shtatorja e Zojës Cërnagore, trupi, fytyra dhe foshnja (Jezusi i vogël) janë të zi.

Epiteti Cërnagore s’ka lidhje me Mal të Zi po me Karadakun e Shkupit (Skopska Crna Gora) prej nga, sipas legjendës, është transferuar ndërsa epiteti Zoja e Zezë ka të bëjë me ngjyrën e saj.

Duhet cekur që është shtatorja e vetme e Zojes së Madhe të zezë në trojet shqiptare, ndërsa në Evropë dihet për mbi 500 shtatore të këtilla (nëper kisha në Kroaci, Slloveni, Austri, Poloni, Sllovaki, Spanjë, Portugali e madje edhe në Vojvodinë) e prej tyre 237 janë në Francë.

Çdo vit më 15 gusht në Letnicë festohet e kremta e Zojës së Madhe Çërnagore në të cilën tubohen shumë pelegrinë nga vendet e ndryshme të botës.

NASER FERRI

Të ngjajshme