“Rizgjimi magjik”, udhëtim teatror në natyrë i fëmijëve

10 Maj, 2018 - 1:25 pm

Femijët e talentuar të Qendrës Kombëtare të Kulturës për Fëmijë (National Cultural Children Center) do performojnë me talentin e tyre në spektaklin “Rizgjimi magjik” pranë sallës së Teatrit të Kukullave, në Tiranë.

Ky spektakël do të jap një mesazh sensibilizues për artdashësit pasi tregon përkujdesin e brezit të ri për të mbrojtur dhe për tu kujdesur për natyrën .

“Rizgjimi magjik” është një përrallë ekologjike, protagoniste e së cilës është “Nëna Natyrë”, metaforë e një komuniteti të kujdesshëm kundrejt ambientit që na rrethon.
Një udhëtim teatror në natyrë ku flutura, lule, pemë… mundohen të hyjnë në një kopësht i cili transformohet me kalimin e stinëve.

Një rrugëtim i shkurtër edukativ në botën e muzikës klasike dhe poezisë simboliste, për të gjithë fëmijët, prindërit, gjyshërit dhe mësuesit, ku gërshetohen muzika e Antonio Vivaldit dhe poezia e Asdrenit.

Premiera ambientaliste “Rizgjimi magjik” do të shfaqjet për publikun pranë sallës së Teatrit të Kukullave më datë 11 Maj, ora 18:00./ Ata

Të fundit

Të ngjajshme