Pas publikimit të lajmeve se fotografia e treguar sot nga deputetja Flora Brovina është në fakt një fotografi e rreme dhe e cila qarkullon në internet, ka reaguar e Vasifje Krasniqi.

Krasniqi ka kërkuar që të ketë kujdes me lajme dhe me deklarime të cilat kanë të bëjnë me të dhunuarat gjatë luftës së fundit në Kosovë pasi që sipas saj e gjithë situata është shumë e ndjeshme.

“Pas krejt kësaj katrahure në lidhje me foton e publikuar sot, pavarësisht se ku ndodhë apo prej kujt ka ndodhur dhuna seksuale është e dënueshme, por si një e mbijetuar unë ne emër ” të gjithave” ju lutem që të kini kujdes dhe mos të provokohen ndjenjat tona. Sepse më së paku ne na duhet të shohim gjera te tilla, sepse kjo është njëra nga padrejtësitë që na bëhet neve.  Ne duam drejtësi, dhe jo të na përsëritet krimi në çfarëdo forme”, ka shkruar ajo në Facebook./KultPlus.com